Read Khiamniungan Naga Isa 20 Bible Online

Isa 20 - Khiamniungan Naga bible

Isa 20

¹Asiriahai nokpao Sargonüh kiutsün ngiokhem ko, Asiriahai süpai ongko atsokting nou Filistiahai noknio Asdod komkü noiküla.

²Pon süme khako Amoz thso Isaia apa hokkhut naiuso apaüh tenkü noitsün nethe ngiosanau APAOU nou ngiokü noiküla. Apaüh angio angkü tsosa naiuso hokje tsakeikü khu.

³Tilai Asdod noknio thalouwan, APAOU nou ngiom, “Jü tsamki Isaia apa pem tsosa naiuso hokje pon süme thaiutha tsakeikü noiküla. Nung Ijip si Sudan netü ti thawao-e nung ii tsak noin.

⁴Nung goumchi nime ainou thaloutsün sua nouso Asiriahai nokpaoüh tsosa nia- lokü khuwane. Ngüso ehenhoi naiuso ashehoi nouso hokjeüh tsosa, ngüso sheileng tsülopokkü, Ijip khako amiam nai tsakei-e.

⁵Sauhaiüh Sudan da amonglam taiukü Ijip thaiutha bülomji, ngüso ayang miamkü naiuso ngawankü noi-e.

⁶Tilai nung atao shi-e, khiamkuk nai kihtsün Filistiahaiüh ngio-e, ‘Asiria nai nokpao ainou sam kipsanau sam nioluttsün khaiuniahoi nouso tü ti thawaokü noin athaplu. Naiuso sam to titi thekü thakhu-e!’”