Read Khiamniungan Naga Isa 23 Bible Online

Isa 23 - Khiamniungan Naga bible

Isa 23

¹Tair thaiutha ngiongem tsak nou nung noin. Sang asong nou lümongsaiu, asam khiamnok chinai kheng niatsünso! Tair hai asam yanoitsün tsam lotheaniu; nungh tsam nouso naiuso asam yanoitsün athang nouso nyiomankü noin. Asam kheng Cyprus ainou laokü shitsün taoko, asamüh nung ngiongem lula-iu.

²Lümongsaiu, asam Sidon chaile hoiso!

³Mele apem ko chaile oule chhi chhiau Ijip nai sungtsün chonglam jankü khiamnok nou yankü chaituh ao ni khaiuniahoi hongkü noiküla.

⁴Sidon Noknio, ni amiam noin! Sheasong naiuso khiamnok a-outing nousoüh ni poishianiu küta ngioji, “Ngo tilaitso methso tsüchet. Ngo tilaitso melothso si menyiuthso tsütsad.”

⁵Ijip hai lüko tilai Tair lotheaniu ta ngela-e nungai lekkate.

⁶Sang asong nou lümongsaiu, asam Foinicia nai noitsün khaiunia hoiso! Spain ai khothioau lüko-e!

⁷Atao laiuku naita kihtaiutsün Tair hai noknio nung amongling noiau shio-e süne? Nungko noitsün khaiu- niahoi khiamnok yankü nokkam shanau hongantsün nung noknio nou süne?

⁸Chaile oule nokpaohoi goumchi ko thatü asuhat kiutsün nokpao noknio nung chikü Tair khako kankü shiau ayang shantsün nung sübao?

⁹Nung ayang shantsün APAOU Apemshiotsün nou noin. Apaüh nung ngüso chhisiya ko ngüso bülomtsün lothonanau naiuso ngüso ün asuhat epkü noitsün khaiuniahoi lonyapkü taiuau chhin.

¹⁰Lükhu küta asam eiu lü-a, asam Spain nai nokkam khaiunia nouso! Nungko asam kiapjeiau loto sau tsünoishi.

¹¹APAOU nou khiam khütha nai apa pha loksaniu naiuso nokshing nouso khemleppaniu. Apaüh Foinicia hai chailethang nou lomoanau ngiokhem nou kiuwaniu.

¹²Sidon Noknio, ni monglingtsün thonaniu, naiuso akhaiuniaso athangmang nai noin. Ngüso Cyprus nai haiulo lüko, ngüso nungai lüko aalou tsünoi-e.

¹³Tair nai liuthainianhoi kihlou- wanitsün nung Babilonhai tsüde- künai Asiria hai tsüde. Tair Pekom lotheküta noknio nou alothe nai leantsün, naiuso ehü koipuo shan- shantsün nung Babilon hai noiküla.

¹⁴Sang asong nou lümongsaiu asam khiamnok kheng niakeitsünso! Tiautenai asam nioluttsün noknio nou lotheaniu.

¹⁵Tair pon aochinyat nung nokpao aakihtao tsak thaiutha tsüyang- sanshiau nung atao tsak shiji. Tilai nung pon nouso yankheme, jihang nai ajisiwop chhitsün nyiuhai tsak khekkü nung Tair noi-e:

¹⁶Noksong lemkü tsakeikü khuao, apoipoi lülou, ni beyankü noitsün tsosilu ajisiwop chhitsün nyiuhai! Melohoi loüh jam laokü nialoukü shishiau ajih hang loüh jam poipoi matkü lühangshi.

¹⁷Tilai pon aochinyat nouso yankheme, APAOU nou Tair nung apa aya thsale chhisiya nai laokü khu-i-e, naiuso apaüh apa chija goumchi nokshing nouso apem hau ajisiwop chhi saisile nou hane.

¹⁸Apaüh chaile tsangkü chensantsün chai nouso APAOU thaiutha thumkü kiu-e. Apaüh nung chai kamsankü tsütaiu- e, lüko sauhaiüh APAOU amkhame ngüsoüh apa chai eheshiu naiuso neshe ngüsoüh potsün tuhau kankei-e.