Read Khiamniungan Naga Isa 25 Bible Online

Isa 25 - Khiamniungan Naga bible

Isa 25

¹APAOU, ni jü Goa noin; Ngo ni losunge naiuso anian lomsane. Tiautenai ni athanga chhi-iu, atao laiukü nai ni thattaiutsün mongthat ni mongkiukü chhiji.

²Ni noknio tsak alothe hau li-ekiu naiuso ngüso Pekom lothakiu Sam ehsoüh seithotsün nokpao tsam nouso asaita hau lotheaniu.

³Oukong mele khaiunia nousoüh ni lomsane; amongthe mele noknio nousoko ni lon hate.

⁴Tsosiluhai naiuso tsaosilaohai nitü khulut-iu naiuso nung angja taoko ngüso aalou-i-iu. Ni ngüso hau ah-ou-ahsheih ainou asolouau kiuji naiuso aje jektsün ainou asoloutsün noin.

⁵Mongthe khaiunia nousoüh ah-ou taoko ah-ou-ahsheih khekkü pha pouji, goh awai tsak nai khiam appantsün khekkü. Lüko APAOU ni, sam ehso hau ngio tsüsingio-ikü wan; ah-lam ajekhaiu tsak thengmia nou lodangtsünli ni mongthe khaiuniahoi nouso ngemtsün lodangkiuji.

⁶Nung Zion king nouko APAOU Apemshiotsün nou goumchi mele chikü thaiutha sümai asong tsak khemsane nung eheshiu ameiting naiuso theng anyating shentsün sümai tsak noin.

⁷Nungko apaüh mele nouso khütha nai noitsün amongsaiu thengmia nou alekta louwan kiu-e.

⁸Akhengting APAOU nou eantsün nung athontsüyang thaiutha lomo-e! Apaüh khaiunia pungkü niochekhiam beiyankiu-e naiuso goumchi apemai apa khaiuniaso angjatsün amiam nou lowankiu-e. Nung APAOU nou ngiowaniu!

⁹Tilai nung thawao-e, khaiunia pungkü nou “Apa sam Goa noin! ta ngio-e, samüh sam amonglam apa da taiu, naiuso apaüh sam kipsan. Apa APAOU nou noin! Samüh sam amonglam apa da taiu, naiuso lo sam monglingkü koikü noin, tiautenai apaüh sam kipsaniu.”

¹⁰APAOU nou Zion King sojei-e, lüko tsokap nou goh mei- iau ngamthiotsünli, Moab khaiuniahoi nouso ngamthiokü wane.

¹¹Ngüso khiampat kowetsünli ngüso pha lukü tsadsane, lüko Goa nou ngüso abülom lonyap kiu-e naiuso ngüso pha outsükongkü tsangane.

¹²Apaüh Moab hai tsam akongting nouso ngüso pe atsokting nouko aikü lothe-e küta nung goh ai pukhao nouko aikü ngamthio-e.