Read Khiamniungan Naga Isa 27 Bible Online

Isa 27 - Khiamniungan Naga bible

Isa 27

¹Nung ajekhaiu ko nai APAOU nou apa oukongting naiuso atsaoting nou meshen sah kankeikü Leviathan hau angja kiu-e, nung akhaolao naiuso akaosai dragon noiküla, naiuso nung sheasong nai kihtsün chongchajiin nou loate.

²Nung ajekhaiu ko nai APAOU nou apa alengmei sainaoshep eiu ta ngio-e,

³“Ngü nung da asaita khiam thsalutkü jimji. Nung sauhau tsütawai-iau ngü nung ta asoh si anyih ehükü noiji.

⁴Ngü loto sainao- shep eiu nou da tsümongmatshi. Ngü tü khengshikü tsao naiuso tsaopai nouso noi naito, nungaito ngü nungso thumkü in nai jahwane.

⁵Lüko jü khaiuniaso thako tsaotsünsoüh jü akipsan mongchio naito, ngüso hau ngü ko nokmei lüshani. Ah, ngüko ngüso nokmei lüshani.”

⁶Ashiau nou ajekhaiuko nai Israelhai nung Yakob thsaosithsoso da pai tsak khekkü eiu nou sao-e, naiuso ngüso da asun nou nyimkü apun pune. Ngüso da eiusantsün eiu nou goumchi nou meankü noi-e.

⁷APAOU nou Israelhai ta apa ehso tü tsaotsünli to angja tsükiu, tsüdekünai apa khaiuniaso lüko piakü to tsümowan.

⁸APAOU nou apa khaiuniaso hau angja kiutsün to thaloukü khuwantsün noiküla. Apaüh ngüso ajepek ainou ahsheih atsaoting tsak tsangkü kankü khuwan.

⁹Lüko Goa tsüngekünsoüh shantsün lung nouso, amthang nouso, puli thiopekkü wan nai, naiuso angannyam jahtsün amthang nouso, tsüdekünai menyiu sotsom goa Ashera tsüpoishikü wan nailu Israel ün angei nouso wankiu-e.

¹⁰Mongkü pejeitaiutsün noknio nyomankü noin. Nung liutsa akengh khekkü leaniu. Nung thainian thaiutha aaloukü naiuso thsan tsamhekü noiau shiokü iula-iu.

¹¹Paikia nouso wonankü ngekkaniu, küta menyiuhoi nousoüh ajah au khailouji. Tiautenai nung khaiunia nousoüh titso tsüngelaphe, ngüso hau Ashantsün Goa nou mongai kiakü yangkiutsün tsüdekünai titso atsüojinyang tsühane.

¹²Nungh ajekhaiu ko nai APAOU nou apa khaiuniaso Eufrates haiu ainou Ijip hai elung saokü tsakjam tsakjam ta lokame; nung tsochu ainou whettso janthattsün khekkü noi-e.

¹³Tilai nung ajekhaiu shi-e, thaloukü khuwantsün Israel hai chikü Asiria si Ijip ainou laokü jonkam shiau jangong nou mate. Nungai Yirusalem asio king nai ngüso shikü APAOU nou amkhame.