Read Khiamniungan Naga Isa 3 Bible Online

Isa 3 - Khiamniungan Naga bible

Isa 3

¹APAOU, Apemshiotsün APAOU noulu, khaiunia pungkü niolut- tsün Yirusalem naiuso Yihuda ainou alum kankü khuwanau noin. Apaüh ngüso chihsikhiam kankü khuwanau noin,

²ngüso lengsiya nouso, süpaihoi, mikhemhoi, naiuso e-pohoi, ngüso khapiam ngiotsünso naiuso petchehoi,

³ngüso süpai ahei nouso naiuso nokpao nokshinghoi, chhisiya hejeikü ahlonga shantsün khaiunia nouso.

⁴APAOU nou ngüso methsohoi tsangkü nok-shingi-e.

⁵Khaiunia pungkü tsaküh tsak khako tsümeikü kankei-e. Pühehoi nousoüh ashehoi hau asuhat tsükiu-e, naiuso tiau- tsüthekünsoüh ngüso khengai nouso hau asuhat tsükiu-e.

⁶Pothso tsak ko ngüso mepem haowe ongko, “Nito neshe atenau tso tsak taiuphe, nungtin angja taoko sam ehoi au athe,” apa tü ngiotsün atao tsak shi-e.

⁷Lüko apaüh thaloukü ngio-e, “Ngü tsüde! Ngo asam tü hachuau tsüshio-e. Ngo chih tsüdekünai atenau neshe lüko tsütaiu. Asam ahei au ngü to lathe-i!”

⁸Ah, Yirusalem aangja nai noin! naiuso Yihuda loian-iji. Ngüsoüh ngiotsün naiuso chhitsün alum, APAOU thako noin; ngüsoüh Goa pem nou da khakhakü lochilotsaoji.

⁹Ngüso phaphi phamong chhitsün ngüso thako noi-e. Sodomhaiüh chhikü shitsünli ngüsoüh angei nou khakhakü chhin. Ngüso lotheaniu, naiuso nungh ngüsoüh ngüso chija angjalou.

¹⁰Asio khaiuniahoi to mongling, naiuso ngüso thaiutha to aküo amei noi-e. Ngüsoüh chhitaiutsün ko ngüso monglingau shio-e.

¹¹Lüko tsümeikünhoi to lotheane; ngüsoüh amaohai da ti chhitaim nung ngüso da chhishi-e.

¹²Chailaiukiutsünsoüh jü khaiu- nia thangmangji, naiuso chailaiu- loutsünsoüh ngüso kausaiatji. Jü khaiuniaso, asam aheihoi nou- soüh asam ayam tsüthakünai nia- keiji, nungshioko asam süpao yamai khu-e asamüh tsünge.

¹³APAOU nou apa mi tsangshei kiuau khemloukü noin; apa meshen khaiuniaso mi khemau khemloukü noin.

¹⁴APAOU nou meshen khaiunia petchehoi naiuso aheihoi mikhem nai niakü shiji. Apaüh mi nou nung kiuji. “Asamüh sainaoshep eiu nou lothean, naiuso asamüh tsosilu hai ainou loutsün nou asam tsam mean- kü noin ta ngioji.

¹⁵Jü khaiuniaso sutneau naiuso tsosilu hai khako thangmangau asam thaiutha ti ou- kong tsünoi. Nung ngo, Apem- shiotsün APAOU nou ngiowaniu.”

¹⁶APAOU nou ngiom, “Athaplu Yirusalem menyiuhoi titi bülomkü noin! Ngüso kha ngüchukü tsakeiji. Ngüsoüh asaita longdeji. Naiuso keikom nai ngüso singkauüh lah nou da tingting ta khoukü tsakeiji.

¹⁷Lüko ngo ngüso hau angja kiu-e, ngo ngüso khaiu khaiupang iuwankiu-e.”

¹⁸Yirusalem menyiuhoi koitsün alum-ngüso singkao ai thotsün taosilak, ngüso khaiu ai tholuttsün, sang ai tholuttsün,

¹⁹naiuso phakek nai thotsün nungso APAOU nou kankü khuwanau ajekhaiu tsak shiji. Apaüh ngüso kha loipoktsün ne nouso,

²⁰ngüso kandio nouso, ngüsoüh ahlonga loau phem nai naiuso om-nai thotsün nouso,

²¹ngüso phakhathso si ngan nouso ai kuoluttsün khiap- thso nouso,

²²ngüso neshe amei apem, ngüso phalaiu phakhut nouso phakhut alet nouso, naiuso nekong- thso nouso,

²³ngüso ne nouso, ngüso ashethop lemlupeine nouso, ngüso sangai khitsün naiuso khaiuai khitsün ashethop nelaiu apem kankü khuwane.

²⁴Angannyam kankeitsün liko angounyam nyame omkhi amei liko aochan, khaiuo amei liko khaiupang, neshe amei liko nethe tene, ngüso alengmei amiam au iula-e!

²⁵Noknio khaiuniahoi oukongting khaiunia nouso ehli nai loatkü wane.

²⁶Noknio bekhan nouso mongsaiu- e naiuso shape, naiuso nung noknio nou menyiu tsosa tsak aodangkü gohai moknoitsün khekkü noi-e.