Read Khiamniungan Naga Isa 31 Bible Online

Isa 31 - Khiamniungan Naga bible

Isa 31

¹Sauhai Ijip nai ahachu yamkü saoji ngüso inyate! Ngüso Ijiphai süpai akhaolao oukongtü mokthso nouso tü, mokthso tsamkei nouso tü, naiuso süpaihoi nouso tü monglamji. Lüko ngüsoüh APAOU nou Israelhai asio Goa nou da tsümonglam, tsüdekünai apa tü ahachu tsüsao.

²Apaüh ti chhiji nung apaüh ngeji! Apaüh akuothe nou hongji. Apaüh tsümeikün khaiu- niahoi lohatau chhiji naiuso nungso soloutsün lüko lohatji.

³Ijiphai nung goa tsüde-ngüso khaiunialu noin. Ngüso mokthsoso aphop oukong suntsün tsüde. Tilai APAOU nou chhi nou chhiji, oukong goumchi nouso loiane, naiuso apa hachutsün tsaosilao mele nouso loiane. Nungne nemthso lotheane.

⁴APAOU nou ngü tü ngiom, “Onnemok jimhoi nousoüh titithatso sang asong nou wekü shilünou, ngüsoüh ajeiattsün chongkhao nou komanau tsüshio-e, nung khekkü Ngo Apemshiotsün APAOU Zion king kipsantsün ainou lolaokü taiuau tsüshio.

⁵Liuai noitsün waio tsaküh athso nou kipsanau waioap chiai jeitsünli, nungti ngo, APAOU Apemshiotsün nou Yirusalem jimkü kipsane.”

⁶APAOU nou ngiom, “Israel khaiuniaso, asamüh ngü tü khengshi naiuso ngü thako angei sunlo-iu. Lüko lo, jü dongai laokü ashi!

⁷Chaiou lakkeng naiuso tangkason nou asamüh angei sotsom nouso shantaiutsün asam apemüh yak- kanau atao tsak shiji.

⁸Asiria nung khaiunia oukong tsangkü tsüdekü, ehli nai lomowane. Asiriahai ehlithang ainou khulükhune, küta ngüso oumhoi nouso sua au iula-e.

⁹Ngüso nokpao hattatkü jingkü khuwane, naiuso asonghoi nousoüh thatü hattat nou shioko ngüso ün ehli nehan nouso leankü khuwane.” APAOU sau da Yirusalem nai am- khamji naiuso aloat chaithio thaiu- tha nungko sau in jahkü noin-nung APAOU nou ngiowaniu.