Read Khiamniungan Naga Isa 38 Bible Online

Isa 38 - Khiamniungan Naga bible

Isa 38

¹Nungtao thatso konai nokpao Hezekia eau lümeikü kiakü noiküla. Amoz thso e-po Isaia apako pheteau khukü apa tü ngiom, “APAOU nou ni da alum asingyangkü lingthakü lütaiu ta ngioji, tiautenai ni akia tsümeila-e. Eau khemloukü lünoi.”

²Hezekiaüh apa kha dioai dongai sakü khuküta misao lou:

³“APAOU, ngo ni mongkiukü naiuso mong saitha nou yathsüokü shin, naiuso ni ngü hau ti chhi-iau mongchiokü noiküla nungh ngo asaita chhiau kowekü shin nung ayangshi ta ngo kojaji.” Naiuso apa thsüokü shapau yachu.

⁴Nungai APAOU nou Isaia tü Hezekia dongai

⁵laokü khuao ngiom, “Ngo, APAOU apaosipo David Goaüh amisao naiuso aniochekhiam epsaniu; nungtiphe ngo ni loüh aakihlaiu pon chekü pungo lolaiukiu shiji.

⁶Ngo ni naiuso nung Yirusalem noknio Asiriahai nokpao ainou kipsane, naiuso ngo noknio nou tsülaokü jime .”

²¹Isaiaüh ngiom, ngüso hau phioshep pung tsak kankü ashi-i, küta nung noipekküta kongnai atsomkiu nai apa meila-e.

²²Nungai Nokpao Hezekiaüh sangkü ngiom, “Ngo Amkham Tsamai khuau shio-e ta atsangshei nung ti tsangkü noi-e?” Isaiaüh thalakü ngiom, “APAOU nou apa athalou taiuji ta ii atsangshei hanau ni hau ii tsak hane. Nokpao Ahazüh lahsantsün tsamthong chiai APAOU nou meshen sotsom hokngam che phiai lekkü shikü hane.” Naiuso nung sotsom phiai hokngam che phiai laokü shin. Hezekia apa akia ainou mei- lakütün phiai apaüh nung alomsan jih nou sat. Ngo yang, ngo aakihlaiu oumpek nouko ngo tilaitso jü aa tsükih shiau eanhai goumchi nai khuwanji. Ngo yang, nung aakihtsün goumchiko nai ngo loüh APAOU tilaitso müjam tsüepshi-e. Tsüdekünai khaiunia aah nou tsüepshi-e. Nejenkhio tsak laosanantsün khekkü, nelathsan ainou ne tsak lamthat lowantsün khekkü, Jü aakihlaiu lothat küta thonan, Goa nou jü aakihlaiu lothonanji ta ngo yang. Chongkhao nou jü uo longekkanjili, asoh chikü ngo akiasungh nou shapkü noiküla. Goa nou jü aakihlaiu lothonanji ta ngo yang.(...)