Read Khiamniungan Naga Isa 39 Bible Online

Isa 39 - Khiamniungan Naga bible

Isa 39

¹Nungtao thatsokonai, Babi- lonhai nokpao Baladan thso nou Merodak Baladanüh Nokpao Hezekia nung akia noiküla ta lula, nungtiphe apaüh Hezekia dongai thsamsat tsak naiuso paopei tsak ta hong.

²Nungai Hezekiaüh ngiongem kantsünso monglingkü loum-naiuso ngüso hau apa memei-apa tangkason naiuso chaiou lakkeng, angannyam- tsün naiuso apiamai khaiutsom, naiuso apa ehü dun nouso apem han. Apa jengtsaiu taiutsün nai tsüde- künai apa nokshingko ngüso hau tsühankü titso tsünoiküla.

³Nungai e-po Isaia Nokpao Hezekia dongai khuküta apa tü sangkü ngiom, “Nung khaiunia nouso ti ainou shin naiuso ni ta ngüsoüh ti ngiom?” Hezekiaüh thalakü ngiom, “Ngüso Babilon goumchi laiukü ainou shin.”

⁴Nungai apaüh sangkü ngiom, “Nokpao tsamai ngüsoüh ti ep?” Hezekiaüh thashin, “Ngüsoüh alum epiu. Nungko ngo ngüso hau tsühan- kü jengtsaiu taiutsam titso tsünoi.”

⁵Nungai Isaiaüh Nokpao Hezekia hau chitekü ngiom, “APAOU Apem- shiotsün nou nung ngioji,

⁶anok- shingko noitsün alum, lonyi shisaokü nouko apaosiposoüh kamsantaiutsün alum, Babilonhai goumchi ai kankü khuwanau atao tsak shiji. Titso tsüpoitaiushi-e.

⁷Ni da chetsinyim- tsün thsaosithsoso ajantso kankü khuküta thsülemane küta Babilon- hai nokpao tsamai yathsüoau the-e.”

⁸Nokpao Hezekiaüh nung ngio apa taokoto aalou naiuso nokmei noi-e ta ngela nou shioko apaüh nungti thalakü ngiom, “APAOU ainou ngiongem ni ngü hau kiutsün nung amei noin.”