Read Khiamniungan Naga Isa 50 Bible Online

Isa 50 - Khiamniungan Naga bible

Isa 50

¹APAOU nou ngioji, “Khaiunia tsaküh meshen tsammongnyiu komantsün khekkü, ngo jü khaiuniaso hongpengan ta ni yangji süne? Nungaito, akomantsün thaiutha thsamsat taiutsün nouso tiai taim? Khaiunia tsaküh meshen thsoso sua-au janthiowantsün tsak khekkü, ngo ni thaloukü khuwantsün nai janthiowan ta ni yangji süne? Tsüde, ni thaloukü khuwantsün nung ni angei shioko noin, ni hongpengantsün nung ni mi lemtsün shioko noin.

²“Tilai ngo ngüso dongai akipsanau shin, Jü khaiuniasoüh tiauta tsüthala? Ngo jontsün taoko ngüsoüh tiauta tsüthala? Ngüso kipsanau ngo thatü tsaosilao süne? Ngo ngiokhem tsak kiunai khiannok nou waikü iula-iau shioji naiuso haiu nouso singtso goh tsak hau iula-iau shioji nungai nungko khiam tsüsaiu nou shioko khiamai noitsün ngou nouso ean.

³Eanhai tsak thaiutha mongsaiutsünli, ngo maou nou nyakhemkü phokle-iau shioji.”

⁴Tanatkü noitsünso oulokongkiuao ngo ti ngio-e, nung ngü hau Akhengting APAOU nou tsande-en. Nyaptso tsütokü apaüh tsandetsün tü angau ngo mongchio-iji.

⁵APAOU nou ngü hau angelatsün kium, naiuso ngo nung tü tsükhengshi tsüdekünai apa ainou laokü tsükhu.

⁶Ngü tü woitsünso tü ngo jüphi sheilut. Tilai ngüsoüh ngü lochilotsao, naiuso jüson pon nai sek, naiuso jü khakhengai lei nou thoplut ngo ngüso tsülolao.

⁷Lüko ngüso alochilotsaoüh ngü tsütawai tiautenai Akhengting APAOU nou ngü tü hachuji. Nungso kiploau jü chija ngo oukongloshi, ngo tsümiame ta ngo ngeji.

⁸Tititenai Goa nou shimkü noin, naiuso apaüh ngü aphio tsünoi ta epsane. Ajantsoüh ngü thako mi lolutau somji süne? Sam kamko mikhem nai khuko Apa mi apa hau kankü ashi-i!

⁹Akhengting APAOU apa pemüh ngü kiplouji- nungaito, sauüh ngü aphio ta mitha kiuau shio-e? Ngü tü mi loluttsünso apem tsüepshikü mowane; Ngüso huo nou heantsün nesheli nyi-ane.

¹⁰Asam APAOU lon asuhattsünso naiuso apa yathsüotsün ngio angtsünso chikü, asam tsakeitsün yam nyakhemkü noilüko, APAOU da amonglam lütaiu, naiuso a-Goa da lüniolut.

¹¹Asam amaohai kausaiatao chhitsünso chikü asam meshen akausai tsangkü lomowane. APAOU pemüh nung thawao-i-e; asamüh akuothe thatü waohe-e.