Read Khiamniungan Naga Isa 54 Bible Online

Isa 54 - Khiamniungan Naga bible

Isa 54

¹Yirusalem, ni methso tsüchetkün menyiu tsak khekkü noikü shin, lüko loto ni amongling sangh asong nou jih hangau shio-e. Tiautenai ni lo tsammongpo tsaküh tsammongnyiu tsak tilaitso leankü tsükhukün tü shimkü methsohoi piakü chette!

²Ni kihtsün nejenkhio lülosong; nung aou nouso lülolaiu naiuso kheam nouso lülomong!

³Ni a-elung nouso aniokun pungkü nai lopunne; amao mele nousoüh thalouwankü noitsün akhaiuniasoüh gohthang nou laokü epshi-e. Lo leankü noitsün noknio nouso khaiunia nou meankü noi-e.

⁴Hatkü lanoi-tiautenai ni müjam amiam tsüepshi-e; ni thangmangkü tsütaiu-e. Tsammongnyiu ayan tsakühli ni oum tao amiam beane, naiuso jihi tsaküh sauüh tsütsüojinkü pemsa lokkantsün mongyanghe nou tsüyangsanshi-e.

⁵Tiautenai ni shantsün nung atsammongpo khekkü noi-e Apa nian APAOU Apemshiotsün noin. Israelhai asio Goa nou ni kipsane apa to goumchi chikü khako nokpao nou noin.

⁶Israel ni tsammongpo nou lean küta thatü mongkiakü noitsün tsammongnyiu ehenhai tsak khekkü noin. Lüko APAOU nou ni tü apa dongai laokü jonshiji küta ngioji.

⁷“Tititenai atao letletkü thaiutha ngo ni leankü noiküla; lüko atsüojin asong nouko ngo ni laokü nialoukü shishi-e.

⁸Atao jamaotsolu ngo amongmatnai jükha tsangjeikü noiküla, lüko jü atsüojin athontsüyangkü ngo nihau hane.” Nungti ni kipsantsün APAOU nou ngioji.

⁹“Noa nianko ngo goumchi ko sheilei tilaitso müjam tsüshi-ishi-e ta thaloum. Nungti lo ngo niko tsümongmat shi-e ta thalouji; Ngo nitü loüh müjam tsüthutshi-e, naiuso tsüangjakiu-e.

¹⁰King naiuso choi nouso lotheanau shiom, lüko jü atsüojin athaiutha tilaitso athontsüyange; Ngo jü aalou athalou nung athontsüyangkü kankei-e.” Ta ni tsüojintsün APAOU nou ngioji.

¹¹APAOU nou ngioji, “O Yirusalem, ni hau sauühtso aalou tsükiukü nou, angja omhe, tsosilu noknio. Ngo ni nou athanga nouso chaiou lung nousoüh shanshi-e.

¹²Ngo atsamthong nouso son-khiap chaiou lung nou shanshi-e, naiuso abekhan nouso in li outsün lung nouso naiuso ni lemkü pe nou chaiou lung nousoüh shanshi-e.

¹³“Ngo APAOU jüpemüh akhaiuniaso hau tsande-e, naiuso ngüso hau atsüomei si aalou nou kiu-e.

¹⁴Ngiotsüo naiuso ayamtha nou ni mongkü shane. Athangmangtsün naiuso alekkat ainou ni kipsankü noi-e.

¹⁵Ajantso ni da pha ponai, apaüh nung ngü tü tsüsangkü chhiji; sauhaiüh ni thako ehli sungi-e apato akhako loi-e.

¹⁶“Inje sungküta dun langtsün sonlang khaiunia nou ngo shan. Sauhaiüh nung dun nouso kankei küta koppatji nung süpai nou ngü shan.

¹⁷Lüko ti dunüh lünou tawaiau tsüshio-e; naiuso ni hau aphio kiutsün khako ni penkü noi-e. Jü ayathsüotsünso ngo kiplou-e naiuso ngüso hau ashiolou nou kiu-e.” Ta APAOU nou ngiowaniu.