Read Khiamniungan Naga Isa 55 Bible Online

Isa 55 - Khiamniungan Naga bible

Isa 55

¹APAOU nou ngioji, “Aletsünso khaiunia pungkü ashi nungko khiam noin! Asam chai tsütaiukünso ashi- chonglam tuh küta lühe! Ashi! theng naiuso nyao lütuh- nungüh nitü amai ti tsüsao-e!

²Amongtsam tsükiutsünko chai tiau wanji? Asam tsüthamaikü nai tiau mephaiu wanji? Ngü tü anglu naiuso ngo tilüsung ngioji nung lüchhi, nungaito ni aheshiu ameiting nou a-onthso monglingi-e.

³“Jü khaiuniaso, lo anglu, naiuso jü dongai ashi; naiuso ni aa nou eppe! Ngo niko asaita hau thaiutha athatlou-e tsak shane naiuso ngo David tü thaloukü taiutsün ouk nouso ni hau kiu-e.

⁴Ngo apa mele nouso niakeitsün naiuso ahei tsak shankiu, naiuso apa tsangkü jü oukong ngo ngüso hau han.

⁵Lo, ni gohmao mele nouso jone ataojam ngüsoüh ni tsüngekü noiküla, lüko loto ngüso niko haau khaolaokü shi-e! Ngo APAOU a-Goa, Israel ün asio Goa, nou nung chikü shithawao-i-e; naiuso ngü ni hau asuhat si ajinka nou kiu-e.”

⁶APAOU dongai phoklekü ashi küta apa tü mi nou lüsao, lo apa shimkü noin.

⁷Tsümeikünso hau ngüso aa saisile yam lüle-ani, naiuso ngüso mongyang yam lüphokle-i; tiautenai apa tü atsüojinyang naiuso shakta wankiutsün noin.

⁸“Jü ayang” nouso nung “asam ayang khekkü tsüde, naiuso jü yam nouso asam yam ainou amomo noin ta APAOU nou ngioji.

⁹Goum khütha nai aün nouso titi tsokkü noin, nungti jü yam nouso naiuso jü ayang nouso asam khengai noin.

¹⁰“Goumchi lopaiau maou ainou saotsün khiam si nyin khekkü jüngio noin. Nungsoüh chihle khiamle samsan-iji, naiuso alethioau lelu naiuso eheau chih kiuji.

¹¹Nungti Ngü chitetsün ngio nou noi-e ngü ti chhiau yangtaium nung tsüphio-e; ngo chhiau hongtsünli nungso alum chhi-e.

¹²“Asamüh Babilon nung monglingkü le-ane; aalo nai asam noknio ainou niashi-e. King naiuso choi nousoüh asam khako jih hangkü sangh asong nou we-e, naiuso pai nousoüh amongling nou sangh songkü we-e.

¹³Lo tsaopai noitsün nai Cyprus-paisam nouso samsane; naiuso tsao nouso thangko myrtle pai nouso samsane. Naiuso nungh Ngo, APAOU nou chhitsün athontsüyangkü yangsanau thaiutha ii tsak noi-e.”