Read Khiamniungan Naga Isa 61 Bible Online

Isa 61 - Khiamniungan Naga bible

Isa 61

¹Akhengteng APAOU Onthsoüh ngo miankiu-iu. Tiautenai tsosilu hai dongai ngiongem amei kanau apaüh ngo chosan naiuso hong. Mong lothekü noinso aalou-iau, akhothiotsün nai noinso tü asoktham ngiongem welutau naiuso khaiuniatsüo nou welut au.

²APAOU nou apa khaiuniaso kipsanau. Naiuso apa ehoi shiolouau atao nou sauwaniu ta ngiongem welutau ngo hong. Amongsaiutsünso chikü aalou-ikü lotsamau apaüh ngü hong.

³Zion nai mongsaiukü noinso hau mongkia liko amonglingat naiuso amongling kiuau. Amongsaiu liko alomsan jih tsak kiu au. Ngüso to APAOU pemüh thomtsün pai nouso khekkü noi-e. Ngüso chikü nou ayamtha nou chhi-e. Apaüh ti chhisiyakü noin nung thaiutha Goa lomsan kiu-e.

⁴Atao laiukü aita lotheankü noitsün noknio nouso ngüsoüh shanshi-e.

⁵Jü khaiuniaso, gohmao haiüh asam yathsüo-e. Ngüsoüh asam ün onnemok hoi paotsange, naiuso asam eiu a-kiu-e naiuso asam ün sainaoshep eiu nou tü jimkiu-e.

⁶Naiuso ngüsoüh asam sam Goa yathsüotsün APAOU ün mesonhoi ta ngela-e. Asam mele nouso tengkam khako tsone-i-e. Naiuso nung asam tengkam ko asam monglinge-e.

⁷Asam ün amiam eptsün thonaniu. Asam meshen gohthang ai kih-e, nungko asam jengtsaiu phopkü singe. Asam monglingattsün athontsüyange.

⁸APAOU nou ngioji, “ngü asio nou tsüojinji, lüko athangmangtsün si shelopengtsün chinyanji. Ngo jü khaiuniaso hau saitha amai nou kiu-e. Naiuso ngüso ko asaita hau athalou-e tsak shane.

⁹Mele nouso ongko ngüso ateng noi-e; Ngüso eptsün pungkü nou ngüso nung ngü oukkiutsün khaiuniahoi ta nge-e.”

¹⁰APAOU nou ti chhin nung shioko Yirusalem monglingatji. Apa to tsamsigoh shantsün ko tsammongnyiu theau nou seitholoutsün tsak khekkü noin. Goa nou apa akipsan naiuso ashioloutsün nou thojeikü noin.

¹¹Lelu tsak peksatküta samsantsünli tongta, Akhengteng APAOU nou apa khaiuniaso kipsane, Naiuso mele chikü nou apa lomsane.