Read Khiamniungan Naga Levi 15 Bible Online

Levi 15 - Khiamniungan Naga bible

Levi 15

¹APAOU nou Mosa si Aron ne hau

²Israelhai thaiutha nung ngiokhem nouso kiukü ngiom. Tilai pohai tsashe ainou nüo emshi-e, nung a-emshitsün tsüyanthsüokü noin,

³nung tsashe ainou emshi lüko tsüdekünai a-emshitsün laokü noilüko nung tsüyanthsüokü noin.

⁴Nung taoko apa tisübao noikham ko moknoi-e, tsüdekünai tisübao thenko sai-e nung tsüyanthsüokü noin.

⁵Ajantsoüh apa then tü than nai,

⁶tsüdekünai apa moknoitsün noikham tü than nai, apaüh neshe phetankü khiam penganau noin, küta apa asham saokü nouko tsüyanthsüokü noi-e.

⁷Nung nüo emshitsün khaiunia tü thantsün tsak nou neshe phetanela, naiuso khiampengau noin, nungko apa asham saokü amkham yamko tsüyanthsüokü noi-e.

⁸Nungh nüo emshitsün khaiunia tsak nou amaohai khaiunia tsak sau yanthsüokü noin apatü lei thuplutnai nung khaiunia nou apa neshe phetankü khiam pengela, küta apa amkham yamko asham saokü tsüyanthsüokü noi-e.

⁹Nüo emshitsün khaiunia moknoitsün tilünou tsüyanthsüokü noin.

¹⁰Nung khaiunia moknoitsün tü ajantsoüh thannai apa asham saokü tsüyanthsüokü noi-e. Nung khaiunia moknoitsün thangko ajantsoüh tsotsak kankeinai apaüh neshe nou phetane naiuso khiam penge, naiuso apa asham saokü nouko tsüyanthsüokü noi-e.

¹¹Khaiunia tsak sau da nüo nou emshiji nungüh amaohai da pha chong tsütsaowankü thannai nungh khaiunia nou apa neshe phetankü khiam pengane küta apa asham saokü tsüyanthsüokü noi-e.

¹²Nung khaiunia nou thantsün mou tsak noi naito, nung lopaikü wane, naiuso pai nou shantsün chiu tsak ta than naito, nungh tsaowankü wane.

¹³Nung khaiunia apa pem ainou nüo emshitsün meilokün phiai, apa chinyatnyi taiu-e, küta apa neshe phetankü asangling haiungan khiam nou pengane, naiuso apa amsikham yamko yanthsüokü noi-e.

¹⁴Petjeinyi nouko nai apaüh chongmükham nime tsüdekünai mükham nime loküta APAOU Nejenkhio nai naptsün dongai kankü shikü nungso meson hau kiu-e.

¹⁵Meson nou nung ongko tsak nou angei chaithio naiuso amao tsak nou ajah chaithio ta kiu-e. Nungli meson nou nüo emshitsün khaiunia thaiutha alosiotsün amkham shane.

¹⁶Tilai melohai tsak da nüo emshitsün noi-e, apaüh meshen pem athum khiam pengane naiuso apa asham saokü tsüyanthsüokü noi-e.

¹⁷Ne tsüdekünai nyihkhon nou shantsün tsotsak chiai nung nüo chanlut nai, nung tsaowanela, naiuso asham saokü tsüyanthsüokü noi-e.

¹⁸Po tsak si nyiu tsak emkamkütün phiai ngüne nemtsoüh khiam penganau noin, küta asham saokü tsüyanthsüokü noi-e.

¹⁹Tilai menyiu tsak da apa alei pungkü achinyan khutsün noi-e, apa chinyatnyi thaiutha tsüyanthsüokü noi-e, nungtaoko apatü thantsün khaiunia nou asham saokü tsüyanthsüokü noi-e.

²⁰Apa achinyan khutsün taoko moknoitsün naiuso saitsün athang tilünou tsüyanthsüokü noin.

²¹Apa then tü thantsün naiuso apa moknoitsün athang tsaowane naiuso khaiunia nou neshe phetankü khiam pengane, naiuso apa asham saokü tsüyan- thsüokü noi-e.

²⁴Khaiunia tsak menyiuhai apa achinyan khutsün taoko emkam nai, nungaih nung nyiuhai tsüyanthsüokün tsangkü pohai nou apa pem lochinyanloji, naiuso apa ajekhaiu chinyatnyi tsüyanthsüokü noi-e, naiuso apa saitsün then tsüyanthsüokü noi-e.

²⁵Menyiu tsak apa alei pungkü achinyan khutsün atao chiai sheikü she shetsün noinai, tsüdekünai apa da achinyan khutsün tsülaokü atao yanlükhunan nai, apa nung she shetsün molaokün lektso tsüyanthsüo, nung apa alei pungkü achinyan khutsün khekkülu noi-e.

²⁶Nung taoko nung menyiu moknoitsün naiuso saitsün tilünou tsüyanthsüokü noin.

²⁷Nungsotü sauhaiüh thane, ngüso tsüyanthsüo, nai neshe nou phetankü khiam pengane, naiuso asham saokü tsüyanthsüokü noi-e.

²⁸Nung nyiuhai she shetsün laokü phiai apaüh chinyatnyi taiuau noin, küta apa amkham yamko yanthsüokü iula-e.

²⁹Petjeinyi nouko nai apaüh chongmükham nime tsüdekünai mükham nime ta APAOU Nejenkhio dongai meson hau kankü shi-e.

³⁰Meson nou nungne ongko tsak nou angei chaithio naiuso amao tsak nou ajah chaithio thio-e, nungli meson nou nung menyiu thaiutha alosiotsün amkham shane.

³¹Asaothang awemtingko noitsün APAOU noitsün Nejenkhio nou ngüsoüh tsülochinyanau thaiutha APAOU nou Israelhai khaiuniahoi tsüyanthsüokün thaiutha alotsüo kiuau Mosa tü ngiom. Ngüsoüh nung lochinyan naito, ngüso loatkü wane.

³²Pohai tsak da nüo emshitsün thaiutha,

³³nyiuhai tsak apa alei pungkü achinyan khutsün nung taoko sau emkame, nungh pohai amkham yamko tsüyanthsüokü noiau thaiutha nung ngiokhem nouso noin.