Read Khiamniungan Naga Levi 16 Bible Online

Levi 16 - Khiamniungan Naga bible

Levi 16

¹Aron thso nime neüh tilai APAOU hau tsüsiokün chaithio kiu, ngüne loatkü wan, nungphiai APAOU nou Mosa ko chitekü

²apatü ngiom, “Adei Aron tü Thatü AsioThang nai napau akhongjeitsün ne phiai khuau atao waokü nailu lüthe ta lüngio, tiautenai nung Athalue Ngiokhem Paidan Kap chinai thengmiakhao nouko Ngü atsangshei sungh. Apaüh nung angio tsü-ang naito, apa loatkü wane.

³Apaüh angei chaithio thaiutha jangtsopong tsak naiuso ajah chaithio thaiutha onnemokpong tsak ta kankü shikütün phiailu apa Thatü AsioThang nai napau shio-e.”

⁴Küta APAOU nou nung ayamhan nouso kiu: Aron Thatü AsioThang nai mokhukün khako apaüh khiam pengküta meson sheitho nouso ashethup phakhut naiuso kongwoi, omkhi, naiuso kandio nou tholo-e.

⁵Israelhai hoikam nou Aron hau angei chaithio thaiutha wonpong nime naiuso ajah chaithio thaiutha onnemokpong tsak kiu-e.

⁶Apaüh meshen angei thaiutha naiuso apa tsamkhaiu thaiutha awan epau jangtsopong tsak aloat chaithio kiu-e.

⁷Küta won nime nou APAOU Nejenkhio ai naptsün ko kankü shi-e.

⁸Nungko apaüh lung nime nou tsak tü “APAOU thaiutha” naiuso amao tsak nou tü “Azazel thaiutha” ta iikü phongde-e.

⁹Aronüh phongde tsangkü chosantsün won nou APAOU thaiutha aloat chaithio naiuso nung angei chaithio tsakli thio-e.

¹⁰Azazel thaiutha chosantsün won nou APAOU hau aa thiowane küta nungh khaiuniahoi angei kankü khuwanau thaiutha ko Azazel dongai singtso goh nai napkü hongane.

¹¹Tilai Aronüh jangtsopong nou apa naiuso apa tsamkhaiu thaiutha angei chaithioli aloat chaithio kiu-e,

¹²apaüh inkaio nyaikü meankü napkü amthang ainou chai tsak lo-e, naiuso nungh Thatü AsioThang nai kankü nape.

¹³Nungko APAOU khako apaüh angannyamtsün in nai jah-e, naiuso nungh angannyamtsün inkhao nou Athalou-e Ngiokhem Paidan Kap nou loijei-e, nungtiphe apaüh nung epkü tsü eane.

¹⁴Apaüh nung jangtsopong she ajantso loküta nungko apa phakhatso chamthiokü nung Athalou-e Ngiokhem Paidan Kap kha ai nai naiuso nung Paidan nou da chinyatjam satlute.

¹⁵Nungphiai apaüh khaiuniahoi thaiutha angei chaithio won nou loate, naiuso nungh she Thatü AsioThang nai kankü nape, küta Athalou-e Ngiokhem Paidan kha ai si akap noutü jangtsopong she nou chhikü shitsünli, satlute.

¹⁶Nungli apaüh Israelhai tsüyanthsüokün naiuso ngüso angei apem ainou Thatü AsioThang losioau amsikham shane. Apaüh nung Nejenkhio nou da chhiau noin, tiautenai nung amkham yamko tsüyanthsüokü asaothang awemting nouko noin.

¹⁷Alosio amkham kiuau Thatü AsioThang nai Aron naptsün tao ainou apa moshikhukün tao saokü Nejenkhio mongai sau tsünoi au noin.Tilai apaüh apa thaiutha, apa tsamkhaiu thaiutha, naiuso hoikam athum thaiutha amkham kiu-e,

¹⁸apaüh amthang nai ajah chaithio kiuau naiuso nung losiokiu au khu-e. Apaüh jangtsopong she intso naiuso won she intso ta loküta amthang aniokun kheam nouso apem tü satlute.

¹⁹Apa phakhatsoüh she intso chamloküta amthang nai chinyatjam satlute. Nungli apaüh Israelhai angei ainou losange naiuso nungh siokü iula-e.

²⁰Tilai Aronüh Thatü AsioThang nou, APAOU Nejenkhio nouso, naiuso amthang losiotsün amkham shankheme, apaüh won aa Azazel thaiutha chosantsün APAOU hau thio-e.

²¹Apa pha nemtso nung wonkhaiu nai thanglutküta Israelhaiüh khengshitsün, tsümeikü chhitsün, angei nouso chikü pheksane, naiuso nungti nung wonkhaiu nai lelutane. Küta achhiau thoiluttsün khaiunia nou tsangkü nung won singtso goh nai lemlokü komane.

²²Nung won nou ngüso ün angei nouso apem apako aodangkün gohthang ai kankü khuwane.

²³Nungaih Aron Nejenkhio nai napküta Thatü AsioThang nai monapkün khako meson neshe shitho nouso losankü nungso nungko taiuwane.

²⁴Apaüh AsioThang tsak nai khiam pengküta apa neshe theloshi-e. Nungthankü apa meshen angei nouso naiuso khaiuniahoi nouso angei lowanau ajah chaithio nouso kiuau kengchiai khu-e.

²⁵Naiuso angei chaithio thaiutha nung thainian i-iu nou apaüh amthang nai jah-e.

²⁶Khaiunia sauüh Azazel hau singtso goh nai won nou komkü khun, apa asaothang nai moshinapkün khako apa neshe phetankü naiuso khiam pengau noin.

²⁷Angei chaithio kiutsün jangtsopong naiuso won she nou angei lowanau thaiutha Thatü AsioThang nai kankü naptsün nung asaothang pe-chiai kankü khukü jahwan. Akhun, anyih, naiuso athaisisai apem jahwanau noin.

²⁸Nung jahwantsün nou apa asaothang nai moshikün khako apa neshe phetankü khiam pengau noin.

²⁹Ashiau tao chikü nouko nung ngiokhem nouso yangsanau noin. Alei chinyat nou da ajekhaiu chenyi nouko nai Israelhai naiuso ngüso ongko kihatsün gohmao khaiunia nousoüh titso tsüchhikü keithon noiau noin.

³⁰Nungnyi ko ngüso angei chikü ainou ngüso losioau amsikham shanau noin, nungti ngüso amkham yamko yanthsüokü noi-e.

³¹Nungh ajekhaiu to sauühtso ti chhi tsüchhikü keithon lotsün Thatü Asio ajekhaiu tsak hau noi-e. Nung ngiokhem nouso ashiau noitsün atao chikü thaiutha kankeiau noin.

³²Akhengting meson sau meshen po liluau thaiutha ayam nai tsomkiukü losiokü noin nungühlu nung alosio amkham shanau noin. Apaüh meson shitho nouso tholokü

³³Thatü AsioThang, APAOU Nejenkhio, amthang nou, meson nouso, naiuso hoikam khaiunia nouso apem losioau amkham shane.

³⁴Nung ngiokhem nouso ashiau atao apem nouko yangsankü nuo au noin. Nung amkham Israelhai ngüso angei apem ainou losioau pon tsakko jam shanau noin.