Read Khiamniungan Naga Levi 20 Bible Online

Levi 20 - Khiamniungan Naga bible

Levi 20

¹APAOU nou Mosa hau

²Israel hoikam tü ngioau nung ngiokiu, “Asam tsüdekünai asam ongko kihatsün gohmao khaiuniahoi sauüh meshen thsoso ajantso Molek goa sotsom amkham nai kankeiau kiu-e, apato hoikam athum tsangkü lung nou yakkate.

³Ajantsoüh apa thsoso ongko tsak Molek goa sotsom hau kiukü jü asio Nejenkhio tsüyanthsüokü iula-ikü, naiuso jü asio nian lomiamkü, chhinaito Ngo apa thako tsa-e, naiuso apa loto jü khaiuniaso ongko tsak ta tsüvesanha-e.

⁴Lüko apaüh ti chhin nung hoikam nou apa loatau noitsün nung tsüpaotsangkü wane,

⁵ngü jüpem nung khaiunia naiuso apa tsamkhaiu thum naiuso apa ko hoiluttsünso chikü, sauhai Ngo tü mongtsülamkü Molek goa sotsom tü amkhamji ngüso thako tsa-e. Ngo loto ngüso jü khaiunia ongko tsak ta tsüvesanha shi-e.

⁶“Eanhai onthso ko chitetsünso khaiunia tü ajantsoüh ayamhan sangkü khunai, Ngo apa thako tsa-e, naiuso apa loto jü khaiunia ongko tsak ta tsüvesanha shi-e.

⁷Asam chija siokü lütaiu, tiautenai Ngo APAOU asam Goa noin.

⁸Jü ngiokhem nouso angio lü-ang, tiautenai asam siokü shankiutsün APAOU Ngo noin.”

⁹APAOU nou nung ngiokhem nouso kiukü ngiom. Ajantsoüh meshen po tsüdekünai meshen nyiutü athesan kiunai, apa loatkü wane; apa etsün apa tengkhaiu thsale noi-e.

¹⁰Melo tsaküh meshen khaiunia Israelhai tsak ün tsammongnyiu ko tsütsüotsütsam chhi nai, apa naiuso nyiuhai nou ngüne nemtso loatkü wane.

¹¹Melo tsaküh apa po ün tsammongnyiu mongko tsak ko emkamkü ajisiwop chhi nai, apa po lomiamji, naiuso nung menyiu si po nou ne nemtso loatkü wane. Ngüne eantsün thsa nou ngüneühlu kanne.

¹²Melo tsaküh apa thso tsammongnyiu ko emkamkü ajisiwop chhi nai, ngüne nemtso loatkü wane. Ngüneüh achinyan chhi nou chhi-iu, naiuso ngüne eantsün thsa nou ngüneühlu kanne.

¹³Melo tsak amao pohai tsak ko emkamkü ajisiwop chhi nai, ngüneüh alochinyan chhi tsak chhi-iu, naiuso ngüne nemtso loatkü wane. Ngüne eantsün thsa nou ngüneüh lu kanne.

¹⁴Melo tsaküh menyiu tsak apa nyiu hakü tsamsigoh yangnai, nungso süme nouso apem jekkate, tiautenai ngüsoüh amiam chhi nou chhin, nungtin saisile asam ongko tsüchhi-iau noin.

¹⁵Melo tsaküh thainian tsak ko ajisiwop chhi nai, apa naiuso nung thainian loatkü wane.

¹⁶Menyiu tsaküh thainian tsak ko ajisiwop chhiau kowe nai, apa naiuso nung thainian nemtso loatkü wane. Ngüne eantsün thsa nou ngüneüh lu kanne.

¹⁷Melo tsaküh apa nuo tsüdekünai apa ün po ehen thso menyiuthsoli nou tsamsigoh yangnai, ngüne nyong khako lomiam kiuküta hoikam ainou komane. Apaüh meshen nuo ko emkamkü ajisiwop chhi-iu, nungtiphe nung thaiutha amai nou epau noin.

¹⁸Melo tsaküh menyiuhai tsak apa alei pungkü achinyan khutsün taoko emkamkü ajisiwop chhi nai, ngüne nemtso hoikam ainou komane, tiautenai ngüneüh amkham yamko tsüyanthsüokün thaiutha ngiokhem nou lotheaniu.

¹⁹Melo tsaküh meshen nyaiko emkamkü ajisiwop chhi nai, ngüne achinek chhisiya thaiutha amai nou epkü angja loau noin.

²⁰Melo tsaküh meshen po ehen ün tsammongnyiu ko emkamkü ajisiwop chhi nai, apaüh apa po lomiamiu, nungtiphe nungne nemtsoüh angio tsü-angkün thaiutha amai nou thso tsühakü hau nou loau noin.

²¹Melo tsaküh meshen dei tsammongnyiu tsamsigoh yang nai, ngüne methso tsüchetkü eane. Apaüh amkham yamko tsüyanthsüokün chhi-iu, naiuso apa dei lomiamiu.

²²APAOU nou ngiom, “goumchi sübao nai Ngü asam niathioji, nungh Kanan goumchi nai asam tsüphoshianao, jü ngiokhem naiuso jü athoilut nouso apem lükankei.

²³Nungko kihkü noitsün khaiuniahoi saisile lasailo; nung goumchi nai asam napau shiokü hau nung mele nouso Ngü komanji. Ngüso chhi tsümeikün apem tsangkü ngüsoüh jümong lokia.

²⁴Lüko Ngü nung atsüomei goumchi nou asam tengkamau thalo-iu; naiuso Ngo nung asam hau kiu-e. Ngü APAOU asam Goa noin, naiuso Ngü asam amao mele ainou mothikü jonsankü taim.

²⁵Nungtiphe asamüh thainian si waio amkham yamko yanthsüokü naiuso tsüyanthsüokün ta e-eme nou sasakü taiuau noin. Tsüyanthsüokün thainian naiuso waio nouso lahe. Ngü nungso tsüyanthsüo ta velutkü wananiu, naiuso nungso nyih hetsün nou asam tsüyanthsüokü iula-e.

²⁶Asam asio noi-e, naiuso jü kothalu noi-e, tiautenai Ngo APAOU naiuso Ngo asio noin. Ngü asam amao mele nousoko nou mothikü jonsankü wan, nungti asam jü kothalu noi-e.

²⁷“Melo tsüdekünai menyiu sauüh eanhai onthso ko chite-e, ngüso to lung nou yakkate, sauüh nungtin chhi chhi-e, saulünou apa eantsün thaiutha apalü thsale noi-e.”