Read Khiamniungan Naga Levi 22 Bible Online

Levi 22 - Khiamniungan Naga bible

Levi 22

¹APAOU nou Mosa hau

²Aron naiuso apa thsoso tü ngioau thoilutkü ngiom, “Asamüh jü nian asio nou khako amiam tsükanjikanau noin, nungtiphe Israelhaiüh Ngo hau losiokü kiutsün asio chaithio nouso da asuhat kiukü kankeiau noin. Ngo APAOU noin.

³Athsaosithsoso ongko ajantsoüh apa amkham yamko tsüyanthsüokü noi taoko, Israelhaiüh Ngo hau losiokü taiutsün asio chaithio nouso shimkü tsüshi-e, apaüh loüh tilaitso amthang nai tsüyathsoshi-e. Nung ashiau atao chikü thaiutha mongkü noi-e. Ngo APAOU noin.

⁴“Aron thsaosithsoso ongko saulünou jeekia tsüdekünai nüo emshitsünso amkham yamko yanthsüokü moiulakün lektso asio chaithio nou titso tsühe-e. Meadang tsüdekünai nüo emshitsün

⁵tsüdekünai tsüyanthsüokün tsotsak ko apaüh thantankü tsüyanthsüokün thainian tsüdekünai khaiunia tü thannai nung meson tsüyanthsüo.

⁶Meson sau tsüyanthsüokü iulaji apa asham saokü tsüyanthsüokü noi-e, naiuso apaüh khiam mopengkün lektso asio chaithio nouso titso tsühe-e.

⁷Ajenap phiai apa yanthsüokü iula-e, naiuso apaüh apa ün eheshiu asio chaithio, nouso heau shio-e.

⁸Apaüh yaang eantsün thainian nyih naiuso liuthainian nou jeiattsün nyih titso tsühe-ela, nungüh apa tsüyanthsüokü iula-iji. Ngo APAOU noin.

⁹“Mesonhoi apemüh Ngo kiutaiutsün ngiokhem nouso ang-au noin. Tsüdekünaito, ngüso aphio noi-e, naiuso eane; tiautenai ngüsoüh asio ngiokhem nouso angio tsü-ang. Ngo APAOU noin naiuso Ngo nungso siokü shanji.

¹⁰“Meson tsamkhaiu mepem noulu asio chaithio nouso tilünou heau shio-e, amao sauüh nungso heau tsüshio-emeson ko noihatsün tsüdekünai apaüh amai kiukü taiutsün sauühlünou he au tsüshio-e.

¹¹Lüko meson ün sua tsak, apa chaiüh tuhtsün tsüdekünai apa tsamko chettsün nou nung meson nou eptsün chih heau shio-e.

¹²Meson ün menyiuthso sau meson tsüdekü nouko tsamsigoh yangkü noin apaüh nung asio chaithio heau tsüshio.

¹³Lüko jihi tsak tsüdekünai tsamsigoh yangkü noitsün ainou laojikantsün menyiuthso sau da methso tsüchetlut, küta apa po tsamai niolutkü kiha au noitsün nou apa po ün meson haoson chih heha au shio-e. Meson tsamkhaiu ko noitsün mepem noulu nung heau shio-e.

¹⁴“Khaiunia ajantsoüh meson tsamkhaiu ko nou tsüdekü tsüngeankü asio chaithio nouso henai, apaüh meson hau nung mai khengai haoson khei phopshikü kiushiau noin.

¹⁵Meson nou asio chihsikhiam chaithio

¹⁶eheau ayam tsünoikün hau he-ikü tsülochinyanau noin; nungüh aphio naiuso angja kankü shiau shiom. Ngo APAOU noin naiuso Ngü chaithio nouso losioji.”

¹⁷APAOU nou Mosa

¹⁸hau Aron si apa thsoso naiuso Israelhai chikü thaiutha nung ngiokhem nouso kiuau thoilut. Tilai Israelhai ajantsoüh tsüdekünai Israel nai kihatsün gohmao khaiunia ajantsoüh ngiomongshinge tsüdekünai amongling chaithio kiuau thawaotsün thaiuthako ajah chaithio thio-e, thainian nou ti alothe tsüsunkün thio-ela.

¹⁹Nung lo-ikü hau thaiutha nung thainian nou ti alothe tsüsunkü thio-ela.

²⁰Asamüh thainian tsak alothe sunkü thio naito, APAOU nou nung tsülo-e.

²¹Tilai ajantsoüh ngiomongshinge tsüdekünai amongling thawaotsün thaiutha nokmei chaithio APAOU hau thio-e, nung lokühau naito, nung thainian ti alothe tsüsunkü thio-ela.

²²Ti thainian lünou, aniopek, chiune, phasihok tsüpungkü, achaikia suntsün, akhun tsümeikü noitsün, APAOU hau chaithio lakiu. Amthang nai nungtin thainian chih chaithioli lakiu.

²³Nung thainian tsak nou amongchio chaithio naito, nung ahok thatü alaiu naiuso alet lüko thio nai mei-e, lüko nungto ngiomongshinge tsak thawaotsünli tsüloji.

²⁴Ti thainian lünou ali-uo lopai-ankün, laiuwankün, nyomankün, tsüdekünai khuwankün APAOU hau chaithio lakiu. Nung chhiau asam goumchi ko ayam tsünoi.

²⁵Gohmao khaiunia ainou lotsün thainian chih chaithio lathio. Nungtin thainian alothe ta vesanji, naiuso nung tsüloji.

²⁶Tilai jangtso tsak, tsüdekünai wonthso tsak, tsüdekünai onnemokthso tsak pune, nung apa nyiu ainou ajekhaiu chinyatnyi tiai kankü tsükhu-e, lüko nungphiaito nung chih chaithioli loau maikü noin.

²⁸Jangtso tsak athso hakü, onnemok tsak athso hakü, tsüdekünai won tsak athso hakü, ajekhaiu tsak kolu aloat chaithio tsüthio-e.

²⁹Tilai asamüh APAOU hau nianlomkiu aloat chaithio thio-e, asamüh kiutsün loau thaiutha ayamhantsün tsangkü lüchhi.

³⁰Nung nyih nungthan nyap saokü hau ti tsüpoikü nung ajekhaiu ko lu hean khemau noin.

³¹APAOU nou ngiom, “Jü athoilut nouso angio lü-ang; Ngo APAOU noin.

³²Jü asio nian thako amiam kankü lashi; Israel khaiuniahoi chikü nou Ngo asio noin ta ngesanau noin. Ngo APAOU noin, naiuso Ngo asam asio au shanji;

³³naiuso Ngo asam Goa iula au Ngü asam Ijip ainou niasan. Ngo APAOU noin.”