Read Khiamniungan Naga Levi 3 Bible Online

Levi 3 - Khiamniungan Naga bible

Levi 3

¹Tilai khaiunia ajantsoüh meshen thainian ongko nou nokmei chaithio tsak thio-e, nungto jangtsopong tsüdekünai anyiu tsak ti alothe tsüsunkü hau noin.

²Nung khaiunia nou apa pha nung akhaiu nai thangkü taiuküta nung APAOU noitsün Nejenkhio nai naptsün ko loate. Nung Aron thsoso mesonhoi nousoüh amthang aniokun püle nai ashe nou satpenge

³küta nung thainian iiu nouso naiuso asansimong nouso,

⁴awe nou naiuso iiu nou, naiuso asan haoson ameiting nou APAOU dongai chih chaithio tsakli kankü shi-e.

⁵Meson nousoüh nungso chikü ajah chaithioko hakü amthang nai jah-e. Nung chih chaithio angannyam nou APAOU monglengiji.

⁶Nung nokmei chaithio tsak nou onnemok tsüdekünai won tsak naito, nungto apong tsüdekünai, asang lüko ti alothe tsüsunkü hau noin.

⁷Khaiunia tsaküh onnemok tsak chaithio thio naito,

⁸apaüh apa pha nung thainian khaiu nai thanglutküta nung Nejenkhio khako loatela. Meson nousoüh nung she loküta amthang aniokun püle pungkü nai satpenge

⁹küta iiu nou, asan uo shimkü ami nou athum hesane,

¹⁰asansimong nyingjeitsün iiu nouso apem, awe nou naiuso iiu, naiuso asan ameiting haoson nou chih chaithio tsakli APAOU hau kiu-e.

¹¹Meson nou nung apem APAOU hau chaithio tsakli amthang nai jah-e.

¹²Khaiunia tsaküh won tsak chaithio thio naito,

¹³apaüh apa pha nung thainian khaiu nai thanglute küta nung Nejenkhio khako loate. Meson nousoüh nung ashe nou amthang aniokun püle pungkü nai satpenge

¹⁴küta iiu naiuso asansimong nouso chikü,

¹⁵awe nou naiuso nung chiai iiu nouso, naiuso asan ameiting haoson nou chih chaithio tsakli APAOU hau kiu-e.

¹⁶Meson nou nungso apem APAOU monglengiau chih chaithio tsakli amthang nai thio-e. Iiu nou apem APAOU ün haoson.

¹⁷Israelhai sauüh iiu tsüdekünai ashe tsühe-e; nung Israelhai ngüso tiai kihlünou asaita kankeiau ngiokhem tsak noi-e.