Read Khiamniungan Naga Levi 6 Bible Online

Levi 6 - Khiamniungan Naga bible

Levi 6

¹APAOU nou Mosa hau nung ngiokhem nouso kiukü ngiom.

²Paiusihai Israel ongko ajantsoüh kamtaiutsün laokiushiau nankü, apa ainou tsotsak kaokü, apa kausaiatkü chhikü,

³naiuso tso tsak mowankü nung tsüepshi ta ngiomongshingkü ngiokü apaüh APAOU thako angei sunnai chaithio tsak kiuau noin.

⁴Khaiunia tsaküh nungtin ayam tso tsakko angei sunnai, apaüh ngiotsüo tsüdekün tsangkü tilüsong epkü noin nung laokiushiau noin. Apa aphio epsantsün ajekhaiuko apaüh APAOU hau thapemkü thamshi-e, naiuso aphop nou haoson khei kiushi-e.

⁶Apaüh nung meson hau alothe ti tsüsunkün onnemok apong tsak tsüdekünai won tsak nou APAOU dongai laokü kiushitsün chaithio kankü shi-e. Nung mai nou apin chaithat tsangkü thate.

⁷Meson nou nung khaiunia ün angei thaiutha aloat chaithio kiu-e, naiuso apa hau wankiu-e.

⁸APAOU nou Mosa tü

⁹Aron naiuso apa thsoso hau jahkü thiotsün chaithio thaiutha nung ngiokhem nouso kiuau ngiom; Ajah chaithio nou amthang khako asoh chikü taiu-ela, naiuso in nou nyailutkü taiuau noin.

¹⁰Nungaih meson nou apa ne amatchai thokü naiuso amatchai ne hok nai khutkü, ajah amkham chaithio in nou chethekü noitsün luo nouso amthang tsai nai wanela.

¹¹Nungaih apaüh neshe nou li-eloküta nung luo nou lokü amkham yamko yanthsüokü noitsün athang pechiai kankü khu-e.

¹²Amthang nai in nou tilaitso tsünyatikü nyailutkü taiuau noin. Ahom tsütokü meson nou nung chiai pai nou jahlutkü nung chiai ajah chaithio nou khemtaiu-e, naiuso nokmei chaithio nouko ii-iu nou jahwane.

¹³Nung amthang nai in nou tilaitso tsünyatikü nyailutkülu taiuau noin.

¹⁴Chih chaithio thaiutha ngiokhem nouso nungso noin: Aron thsaosithsoso ongko meson tsak nou amthang nai APAOU hau chih chaithio kiu-e.

¹⁵Nungaih apaüh wonne naiuso khaiutsom phalam tsak loküta nung chiai angannyamtsün taiu-e, küta nung APAOU hau apem chaithio thio-iu ta amthang nai jah-e. Nung chaithio angannyam nou APAOU monglengiji.

¹⁶Apoi nouso meson nou he-e. Nung phoplao tsüthiokü themtsai shanküta asiothang tsak nou APAOU noitsün Nejenkhio kheng nai he-e. APAOU nou nung mesonhoi hau ngüso chih chaithio haoson tsakli kiuwaniu. Nung angei chaithio naiuso akiushitsün chaithio nousoli, thatü asio noin.

¹⁸Aron thsaosithsoso ongko atao chikü thaiutha APAOU hau kiutsün chih chaithio haoson tsakli melohoi nousoüh hetsün tsülaokü noi-e. Chih chaithio tü thantsün saulünou nung ün asio oukong tsangkü tawai-e.

¹⁹Aron thsaosithsoso ongko meson theau,

²⁰mothikü tsomkiutsün thaiutha APAOU nou Mosa hau nung ngiokhem nouso kiu. Apa mothikü tsomkiutsün ajekhaiu ko nai, (asaita chih chaithio kiutsün athat ko wekü) wonne tsoi tsak nou tsoi etsak ahom naiuso tsoi etsak asham ta apaüh APAOU hau chaithio kanau noin.

²¹Nung khaiutsom nouko laoweküta themtsai tsaotsün lak nousoko tsaokü nungphiai khaiutsom nouko temtaiukü nung chih chaithio tsakli kankü ashi, nung angannyam nou APAOU monglengiji.

²²Ashiau tao chikü nouko nung chaithio Aron thsaosithsoso sauhaiüh Akhengting Mesonli yathsüoji ngüso pungkü nou shanau noin. Nung APAOU hau thumkü jahkü thiotsün aloat chaithio tsak noi-e.

²³Meson nou shantsün chih chaithio titso tsühe-e, nung chikü jahwanau noin.

²⁴APAOU nou Mosa tü

²⁵Aron si apa thsoso hau angei chaithio thaiutha nung ngiokhem nouso kiuau thoilut. Ajah chaithio thaiutha thainian nouso loattsün amthang noutü ajenapki nai angei thaiutha thainian chaithio nou loatau noin. Nung thatü asio chaithio noin.

²⁶Meson sauüh nung thainian aloat chaithio nouso thioji, nung APAOU noitsün Nejenkhio kheng asiothang tsak nouko heau noin.

²⁷Ajantsoüh tsüdekünai tso tsaküh nung thainian nyih tü than nai, nung tü asio oukong tsangkü atawai noi-e. Nung thainian she nou jengtsaiu tsüdekünai neshe jatpoknai, nungto asiothang tsak nai phetanau noin.

²⁸Nung nyih thengtsün pulak naito lopekkü wanau noin, naiuso sonlak naito nungto kongkü shetküta khiamai tsaowanau noin.

²⁹Nung chaithio meson tsamkhaiu ko melohoiüh heau shio-e, nung thatü asio noin.

³⁰Lüko nung she Nejenkhio nai kankü napkü, nung angei wankiuau thaiutha amkhamau kankei naito, nung thainian nou tsüheau noin; lüko nungto jahkü wanau noin.