Read Khiamniungan Naga Yeremia 47 Bible Online

Yeremia 47 - Khiamniungan Naga bible

Yeremia 47

¹Ijip hai Nokpaoüh Gaza mokomkün khako, APAOU nou ngoko Filistia hai thaiutha chite.

²Apaüh ngiom, “Athaplu! ajepekki ainou khiam nouso sungji, naiuso nung asaiu khiamthe khekkü tsang-e. Nung khiam nou noknio nouso, nungko kihtsünso gohthang naiuso alum limlowane. Goumchi khaiunia pungkü nou ahalou thaiutha thsüokü wekü shappe.

³Mokthso nouso hokngam, ehli tsamkei nouso khutsün ngem ahok püle potsün tsamkei ngem nouso ngüsoüh lula-e. Po nousoüh ngüso thsoso thaiutha lapkü tsülu, tiautenai ngüso pha outsükongshi.

⁴Ahalo poikü taiutsün chikü Tair naiuso Sidon ainou yam lothatkü wanau, Filistia lotheanau atao shikü noin. Kritan hai haiusai ainou shitsün apem naiuso Filistiahai Ngü, lotheane.

⁵Gaza khaiuniahoi dongai amongkia asong shikü noin, naiuso Askelonhai to tsüngemkü tsaman. Filistiahai apoi nouso tilektso mongsaiu-e?

⁶‘APAOU ün Sah! ta asamüh lüwe, asam chija sahsop nai lüsop küta nungko aaloukü lünoi!’

⁷Tilai ngü nung hau chhi chhiau kiuwan küta titi thekü nung aalou-e? Ngü Askelon naiuso khiamsai nai kihtsünhoi komheau thoilutkü noin.”