Read Khiamniungan Naga Ezekiel 15 Bible Online

Ezekiel 15 - Khiamniungan Naga bible

Ezekiel 15

¹APAOU nou ngü ko chitekü ngiom.

²“Khaiunia thso,” “sainao tsak nung pai tsak ko titi welu we-e? Liutsa pai nouso ko weluwe ao sainaoshep auo tsak ti amei noin?

³Sainao nung asamüh tso tsak hau shankü kankei au shio-e süne? Asamüh nung sainao nou jengtsaiu phantaiu ao tsotsak hau shanao shio-e süne?

⁴Nungto in jah aulu mei. Naiuso tilai nung aothun nouso nyaiheane naiuso nung awem nou imkaio au iula-e, ni nungüh tso tsak shanao shio-e süne?

⁵Nung mochethekün khako lüko tiau tsüthekü noiküla. Naiuso lo nung in nou chethean küta inkaio ao iula-iu, nung loüh tekkü atheao tsünoikü iula-iu.”

⁶Nungtiphe Akhengting APAOU nou ngiotsün nung noin: “Liutsa ainou sainao louküta jahwantsünli, ngo Yirusalem nai kihtsün khaiuniahoi nouso

⁷hau angja kiu-e. Ngüso in tsak ainou thakhu-iu, lüko lo ngüso in nou chetheane. Ngo tilai ngüso hau angja kiu-e, nungaih asamüh ngo APAOU noin ta nge-e.

⁸Ngüso ngü da mongtsükiukü shin, nungtiphe ngo nung shingkhannio aodangkü iula-i-e” ta Akhengting APAOU nou ngioji.