Read Khiamniungan Naga Ezekiel 24 Bible Online

Ezekiel 24 - Khiamniungan Naga bible

Ezekiel 24

¹Sam akhuothio nai noitsün pon lükao alei che nou da che nyi nouko nai APAOU nou ngü ko chitekü ngiom.

²“Khaiunia thso,” “Lonyi ajekhaiuwe nou lüsatlou, tiautenai nung ajekhaiu nouko Babilon hai nokpaoüh Yirusalem thalouwanao tsalouji.

³Angio tsüangkün jü khaiuniaso ta ngo, Akhengting APAOU nou ngüso thaiutha athatlu ngio ngiotsün nung lüchite: Hou nou heankü noitsün lak nou in nai lütaiu naiuso nung khiam nou lülomian.

⁴Nungko nyihtham ameiting asang naiuso ahok nouso lüthio naiuso nyih uo singloküta lülomian.

⁵Onnemok ameiting ainou nyih lülou; nung lak khemnai pai nouso lüjah, küta nung nyih naiuso uo nouso meikü lütheng.”

⁶Akhengting APAOU nou ngiotsün nung noin: “Shelopengtsünso noknio inyate! Nung hou potsün lak tsak khekkü noin. Nung lak ainou nyihtham tsaktso tsüpoishikü seisane.

⁷Nung noknio nouko shelopengtsün noiküla, lüko nung she nou pu lopokau tsüshio; lüko nung lung chiai lopeng.

⁸Amongmat naiuso phaosan-iau nung tiüh tsülopokkü lung chiai lopengkü wanan.”

⁹Akhengting APAOU nou ngiotsün nung noin: “She lopengtsünso noknio inyate! Ngo pai nou phansane.

¹⁰Ajah pai piakü kankü ashi! In nou ajahnyai! Nyih nou atheng! Nyikhiam nou lüput-i! Ou nou in nai lüjahwan!

¹¹Lo, nung daoson lak akeng nou inkaio chiai lütaiu naiuso nungh sengkü lülam-i. Nungaih lak nou da hou nou thukkane küta nung lak nou amkham yamko yanthsüokü iula-e,

¹²nungti lüko in nou hou- thang nou tsüthamo-e.

¹³Yirusalem ni ajisiwop chhitsün nou lochinyankü noin. Ngo, ni losioau kowe lüko, ni tsüsio. Ni jü amongmat oukong athum moepkün lektso ni loüh siokü tsü-iula-e;

¹⁴ta Ngo, Akhengting APAOU nou ngioji. Jü thaiutha chhi nou chhiao atao shikü noin. Ngo asam angei yaang tsüle-ane tsüdekünai atsüojinyang tsühane. Ni chhitsün thamaikü ni hau mikhem kiu-e” ta Akhengting APAOU nou ngioji.

¹⁵APAOU nou ngü ko chitekü ngiom.

¹⁶“Khaiunia thso,” “Ni thsüokü tsüojinkü noitsün khaiunia nou ngü pha nou jam patkü kankü khuwane. Ni tsünamnamao, tsüshapao, naiuso niochekhiam titso tsüwanao noin.

¹⁷Ni mongsaiutsün sang lalula-i. Amongsaiu ii hankü khaiosoi iukü tsüdekünai hokje nou latsakei. Akha lakholai tsüdekünai mongsaiu haiüh heshiutsün chihsikhiam laheshiu.”

¹⁸Ahom beta ngo khaiuniahoi nouso ko nung chite. Naiuso nungnyi asham jü tsammongnyiu ean, naiuso nungthan nyi nai ngo tü ngiotsünli ngo chhin.

¹⁹Khaiuniahoi nousoüh ngü tü sangkü ngiom, “Ni nungti tiauta chhiji?”

²⁰Nungai ngo ngüso tü ngiom, “APAOU nou ngü tü

²¹asam Israel hai hau nung ngiongem lüchite ta ngiom: Asam Amkham Tsam oukong nouko bülomji. Asamüh nungtü thapau naiuso sailuao aiuji, lüko APAOU nou nung lochinyankü wanne. Naiuso asam tsamkhaiu ko ehen nouso sauhai Yirusalem nai poikü noin nungso ehli nai loatkü wane.

²²Nungaih asamüh ngo ti chhin nung chhi-e. Asamüh asam kha tsülopok-e tsüdekünai mongsaiu haiüh heshiutsün chihsikhiam tsüheshiu-e.

²³Asam khaiupang iuwankü, hokje naiuso mongsaiukü tsüdekünai shapkü tsükhu-e. Asam angei shioko asam tsaolüshian-e, naiuso asam tsak si tsak ngetkü noi-e.

²⁴Nungaih ngo (Ezekiel) asam thaiutha ii tsak noi-e; ngo chhikü shitsün alum asamüh chhi-e. Tilai nung thawao-e, asamüh Apa Akhengting APAOU noin ta nge-e ta APAOU nou ngioji.”

²⁵APAOU nou ngiom, “Lo, khaiunia thso, sübao da ngüsoüh thapau naiuso sailuao aiuji, ngo ngüso ainou ngüso akongting Amkham Tsam tü monglingatkü bülomtsün lukü khuwane. Naiuso ngo ngüso thso melothso naiuso menyiuthso nouso kankü khuwane.

²⁶Ngo nung chhitsün ajekhaiu nai, ajantso alo- thetsün ainou thakhu nung thaiutha chite-e.

²⁷Nungh ajekhaiukolu asam ainou ngiochite oukong nou mowantsün ni laokü epshi-e, naiuso ni apako chite-e. Nungtiphe ni ngüso khako ii tsak noi-e, naiuso ngüsoüh ngo, APAOU nou noin ta nge-e.”