Read Khiamniungan Naga Ezekiel 35 Bible Online

Ezekiel 35 - Khiamniungan Naga bible

Ezekiel 35

¹APAOU nou ngüko chitekü ngiom.

²“Khaiunia thso,” “Edom shingkhannio thako khapiam ngio lüngio.

³Ngo, Akhengting APAOU nou ngiotsün khaiuniahoi hau lüchite: Edom hai kingso, ngo asam eh noin! Ngo ni atheshiau tsümeikü tsak iula-i-e.

⁴Ngo, anoknioso lothekü wane Naiuso agoumchi aodangkü wane; Nungai ni ngo APAOU noin ta nge-e.

⁵“Ni Israel ko asaita tsao-ekü noiküla naiuso apa ün akuothe taoko nai apa khaiuniaso chaoat-i, nung apa angei thaiutha athon mikhem kiutsün atao noiküla.

⁶Nungtiphe Ngo, Akhengting APAOU nou atsüoting aa Goali, eantsün nung athaiutha akuo noin, naiuso ni nungko nou tsüthakhu-e. Ni she lopengtsün ko aphio noin, naiuso she lopengtsün nou ni tü thaiu-e.

⁷Ngo Edom hai king shingkhannio aodangkü shane naiuso nung yankü tsakeitsünso apem loatkü wane.

⁸Ngo king nouso mea nouso hau mian-i-e, naiuso choi si tsamei nouso ehli nai loattsünso meaüh miane.

⁹Ngo ni asaita hau aodangkü iula-i-e, naiuso a nokniosoko loüh tsaktso tsükihshi-e. Nungai asamüh ngo APAOU noin ta nge-e.

¹⁰“Yihuda naiuso Israel, mele nime nouso naiuso gohthang nou hakü ni thalou-e, Ngo, APAOU ngüso Goa noiküla ta ngiom.

¹¹Nungtiphe Ngo, Akhengting APAOU atsüoting aa Goa noitsünli, ni mongmatkü niovei kiatsün thaiutha, naiuso jü khaiu- niaso thaiutha amongmat laokiu-e. Ngüso taiu nou mai mi kheme ta ngüsoüh nge-e.

¹²Asamüh Israel ün king nouso thako, nungso sam thaiu- tha nou noin, nungso sam heshiuao thaiutha kiu, ta lochi lotsaotsün ngo lulakü noin ta asamüh nge-e.

¹³Ngo alotsao, abülom asam ngü thako ngemtsün lula-iu.”

¹⁴Akhengting APAOU nou ngioji, “Jü tengkam Israel hai aodangkü iulatsün taoko ni monglingattsünli,

¹⁵Seir king nouso, Edomhai Goumchi apem nou ni loiantsünko monglingao ngo ni aodangkü iula-i-e; goumchi apem, aodangkü iula-e. Nungaih khaiunia pungkü nou Ngo APAOU noin ta nge-e.”