Read Khiamniungan Naga Ezekiel 41 Bible Online

Ezekiel 41 - Khiamniungan Naga bible

Ezekiel 41

¹Nungthanko nung khaiunia nou ngü AsioThang awemteng tsampai nai nialüthio. Apaüh nungko naptsün bekhan tü thatlunai, nung meter 3 aokü,

²naiuso meter 5:4 punkü anuo nemthso ai meter 2:4 teithamkü dio ai noiküla. Apaüh nung tsampai tü chija thatlunai, nung meter 20:4 laiukü naiuso 10:2 meter punkü noiküla.

³Nungai apa akheiteng tsampai nai napkü apaüh nungko naptsün yam tü thatlunai, nungko millimeter 900 aokü naiuso meter 3 punkü, akok nime ai dio ai nou meter 3:6 teithamkü noiküla.

⁴Apaüh tsampai nou tü thatlunai, nung meter 10:2 wekü noiküla. Nung tsampai nou awemteng tsampai chiai noiküla. Nungaih apaüh ngü tü, “Nung Thatü AsioThang nou noin,” ta ngiom.

⁵Nung khaiunia nou Amkham Tsam akheiteng dio ai ateitham nou tü thatlunai, nungko meter 3 noiküla. Amkham Tsam lemkü nung dio ai tü lalutkü, tsampai meter 2:1 punkü ehen nouso noiküla.

⁶Nung tsampai nouso athong süme noiküla, naiuso nung athan pungkü chi ai tsampai aosam noiküla amkham Tsam achi dio ai athan pungkü nung akhei athan nou tü matchaitso, nungtiphe nung tsampai nouso amao nou tü aniolut tsünoikü dio ai nou tü tsakü noi.

⁷Nungtiphe Amkham Tsam dio ai nouso tü tilai kengchiai noikü thappe, nungai asungthonteng saokü nung ateithamlilu noiküla. Amkham Tsam kengchi dio ai nou tü lalutkü, tsampai nouso chi ai, hokthengpho apun nime lalut, nung- tiphe asaothun tsamthong ainou awem tsamthong naiuso asungthon tsamthong nouso saokü sungau shiokü noiküla.

⁸Nung tsampai nouso kengchi dio ai nou meter 2:4 teithamkü noiküla; naiuso nung Amkham Tsam ajenapki dongai shinkü tsampai nouso ai napau koukhan tsak, naiuso ajepekki dongai shinkü tsampai nouso ai napau koukhan tsak shan. Ngü nungko gohpum tsak meter 2:4 apun Amkham Tsam lemkü ep; nung goh chi nai meter 3, naiuso nung Amkham Tsam dio ai nou tsampai nouso anoithang ko wekü noiküla. Goh pum naiuso tsam nouso jetko meson nousoüh kankeitsün nungko Amkham anoithang ko wekü khengtaiu meter 10:2 jei-ekü noiküla.

¹²Amkham Tsam nou tü ajenapki kengpun athonteng nai tsam tsak atheng nai meter 45, naiuso apun nai meter 34:8 naiuso nung lemkü dio ai meter 2:7 teithamkü noiküla.

¹³Nung khaiunia nou Amkham Tsam kengchi nou tü thatlunai, nung alaiu nai meter 50:4 noiküla. Naiuso Amkham Tsam phiai nou ajenapki athon saokü kengpun nou tü thatlunai nung alaiu nai meter 50:4 noiküla. Naiuso Amkham Tsam phiai nou ajenapki athon saokü kengpun nou tü thatlunai, nung ajet nou lüko meter 50:4 noiküla.

¹⁴Amkham Tsam kha ajet nou akuk nemthso ai kengpun mongthio hakü nai, nung lüko meter 50:4 noiküla.

¹⁵Apaüh ajenapki nai saokü tsamtheng nou akuk nemthso mongthio hakü that- lunai, nung lüko meter 50:4 noiküla.

¹⁶Nung kuochio ainou kouhanthso nouso tü thalutkü apem nung khiu- puo nou aijei. Nung koukhanthso nouso lojeikü noiküla.

¹⁷Amkham Tsammong dio ai nouso koukhan nouso khengai saokü,

¹⁸me-pai naiuso akoi potsün thainian soh nousoüh thapokkü lepjei. Tsampai nai lemkü me-pai nouso naiuso akoi potsün thainian tsak tü thankü tsak ta thanekü leplut. Nung akoi potsün pungkü ta kha nime me noiküla.

¹⁹Khaiunia kha khekkü potsün nung mepai soh leptaiutsün tü e tsakai sheikü, nungti dio ai lemkü leplutkü noiküla.

²⁰Nung aleplut nou uochio ainou koukhan nouso khengai saokü noiküla.

²¹AsioThang kou kheam nouso apem wekü noiküla. Thatü AsioThang nai naptsün khako athapau

²²pai nou shantsün Amthang tsak khekkü tso tsak noiküla. Nung atsok nai meter 1:5 naiuso apun nai meter 1:2 noiküla. Nung tsam niokun kheam nouso, satlun, naiuso tsamhoi kheam nouso apem pai nou shan. Nung khaiunia nou ngü tü ngiom, “APAOU khako tsakü noitsün nung puo nou noin.”

²³Nungko AsioThang nai khutsün yam athon nai kou tsak naiuso Thatü AsioThang nai khutsün yam athon nai kou tsak noiküla.

²⁴Nung awemko laolaokü soptaiutsün kou ibkü noiküla.

²⁵Nung AsioThang kou nouso tü dio ai nouso ai satluttsün khekkü mepai naiuso akoi potsün thainian soh nouso satlut. Naiuso kengchiai tsamsokhem khako kheam atei noiküla.

²⁶Nung tsampai e nai koukhanthso nouso lolut, naiuso dio ai nouso me-pai soh nousoüh alengyam yamlutkü noiküla.