Read Khiamniungan Naga Hosea 12 Bible Online

Hosea 12 - Khiamniungan Naga bible

Hosea 12

¹“Ahom ainou asoh saokü Israel haiüh chhitsün alum üo naiuso alothe noin. Ngüso mongko akhonate naiuso alothe chhisiya nouso shingji. Ngüsoüh Asiria ko yamwao ngioke shanji naiuso Ijip ko chaile leji.”

²Yihudahai thako APAOU nou mi noin; loüh Israelhai chhi thaiutha apaüh angja kiuau noin. Ngüne chhi thaiutha apaüh laokü kiushi-e.

³Ngüso paosipo Yakob apa dei Esau ko ngüne nyiu thaimongai nai lang-e; tilai Yakob shejikan, apa loüh Goa ko lang-e

⁴apa aünhong tsak ko lang-e naiuso shiolou. Apaüh ouk tsak thaiutha shapkü sao. Bethel nai sam paosipo Yakob dongai Goa nou shin naiuso apa ko chite.

⁵Nung APAOU Goa Akongting noiküla. Apa tü APAOU nian jüonkü amkhamau noin.

⁶Nungtiphe Yakob thsaosithsoso, lo asam Goa da lümonglam naiuso apa dongai laokü ashi. Apako ngiotsüo naiuso thakü lünoi, naiuso asam Goa hau chhi-iau mongau laiukü taiukü anoi.

⁷APAOU nou ngioji, “Israel khaiunia nouso, Kanan haili, ngiotsüo tsüngiokü noin. Ngüsoüh chaituh shitsünso hau akausai tsoithat thatkiuau yangji.

⁸Ngüsoüh ngioji, sam memei noin; ‘samüh aküo amei tsak shanlou-iu. Naiuso ngiotsüo tsüdekü eptsün ko memei iulatsün thaiutha sauüh sam hau aphio kiuau tsüshio.’

⁹Asam Ijip ainou niasanküta liutsa nai noitao kihtsünli Ngü asam APAOU Goaüh asam nejenkhio nai kih-ishi-e.”

¹⁰“Ngü e-po nouso ko chitekü ngüso hau atsangshei piakü kiu, naiuso e-po nouso tsangkü ngü jü khaiuniaso hau alotsüo kiu.

¹¹Külüko ngüsoüh Gilead nai sotsom nouso tü amkham, naiuso nungso tü amtsünso eane. Gilgal nai jangtsopong nouso aloat chaithio kiu, naiuso nungai noitsün amthang nouso kengpun nai lungphansanli iula-e.”

¹²Sam paosipo Yakob Mesopotamia ai khulükhun, küta tsammongnyiu tsak eplouau thaiutha khaiunia tsak ün onnemok hoi jimkü yathsüokiu.

¹³Ijip sua ainou ngüso kipsanau naiuso paotsangau APAOU nou e-po tsak hong.

¹⁴Israel haiüh APAOU thatü thsüokü mongmat-i; ngüso aphio chhisiya thaiutha eau maikü noiküla. APAOU khaiuko ngüsoüh nianlochi kankü shitsün thaiutha apaüh ngüso angja-i-e.