Read Khiamniungan Naga Hosea 14 Bible Online

Hosea 14 - Khiamniungan Naga bible

Hosea 14

¹Israel khaiuniaso, APAOU a-Goa dongai laokü ashi. Tiautenai ni nou angei nou ni thekkelatkü loianiu.

²APAOU dongai laokü ashi, naiuso nung misao Apa hau asam ün chaithio lüthe: “Sam angei chikü awankiu naiuso sam misao alou, naito samüh ni tü thaloukü shitsünli ni lomsane.

³Asiria haiüh tilaitso sam kipsanau tsüshio-e, naiuso ehli mokthso nousoüh sam kiplouau tsüshio-e. Samüh tilaitso sotsom nouso tü ngüso sam goa noin ta tsüngioshi-e. Oh APAOU, sau tü khulutau tsünoikünso tü ni atsüojinyang hanji.”

⁴APAOU nou ngioji, “Ngü jü khaiuniaso jü dongai laokü niakü shi-e. Jü mong apem nou ngüso tsüojine; Ngü loto ngüso ko tsümongmat shi-e.

⁵Goh wai nai ah-uo khekkü Ngü Israelhai thaiutha noi-e. Taopun nouso khekkü ngüso punsane; Lebanon pai nouso eiu mongkü saokü noitsün khekkü, ngüso pai eiu nouso noi-e.

⁶Ngüso paikia nouso jungpengkü khu-e, naiuso nung olip pai nouso khekkü aleng meikü noi-e. Lebanon nai noitsün cedarpai nouso khekkü ngüso angan nyamkü noi-e.

⁷Loühjam ngüso jü asolou khemko kihshi-e, ngüso, chihsikhiam saiukü sungtsün aimong tsak khekkü noi-e, naiuso sainaoshep chingkü eiutsün liu tsak khekkü noi-e. Lebanon nai noitsün theng titi wesankü noila, nung khekkü ngüso wesane.

⁸Loto Israelhai thaiutha sotsom nouso pokü tsünoishi-e; Ngüso misao thala-e naiuso ngüso paotsange; Asaita sangnyakü noitsün pai tsaküh sojeitsün khekkü, Ngo ngüso sojei-e. Ngüso ouk chikü ngü ainou shiji.”

⁹Sauhai da mongthat mongsai noin, nungsoüh nungko satkü taiu- tsün lüngela, naiuso mongai lütaiu. APAOU mongthat nouso thakü noin, naiuso nung da hoilutsün tsangkü asiohoi aa nou kihji, lüko angeihoi nousoüh nungso tsüwesantsün tsangkü thekkelatji küta loi-anji.