Read Khiamniungan Naga Hosea 6 Bible Online

Hosea 6 - Khiamniungan Naga bible

Hosea 6

¹Khaiuniahoi nousoüh ngioji, “Sam APAOU dongai laokü shiko! Tiautenai apaüh sam tawaikiu, lüko sam apaüh atsüoting lomeikiu-e; apaüh sam tü shiuh, lüko sam mou nouso apaüh kekiu-e, apaüh nungti tsüchhi-e süne?

²Nenyi samnyi mongko apaüh sam ayan shanshi kiu-e, naiuso sam apa hakü kih-e.

³Samüh APAOU ngeau koweko. A-ngesantsünli, naiuso leshiu taoko lelo pensanau ah-uotsünli apa sam dongai atsüoting shi-e.”

⁴Lüko APAOU nou ngioji, “Israel naiuso Yihuda, ngü asam tü ti chhi-e? Ahom khiamle liukü wai-antsünli, jü thaiutha ni nou atsüojin mowanji, nung ahom beta khiamle mowantsün khekkü noin.

⁵Nung shioko ngü jü e-po nouso mikhem naiuso alothe ngiongem kankü asam dongai hong. Ngüüh asam ainou asaitha naiuso asasa nou aiuji:

⁶Ngü asam ainou thainian aloat chaithio tsüdekü, lüko tsüojinlutkü noitsün aiuji. Ngü hau ajah chaithio kiutsün nouko naito ngü ngekü the-iau bao aiuji.”

⁷Adam goh ai mapkü thunkü ngü ngüso ko athalou-e shantaiutsün ngüsoüh lothean.

⁸Gilead nung tsümeikün naiuso khaiunia loatetsün hoi nou miankü nointsün noknio tsak noin.

⁹Mesonhoi nouso nung khaiunia tsak tü jiokü taiunoitsün kaohoi tsak khekkü noin. Shekem ai khutsün asio yam nouko lüko ngüsoüh loatji. Naiuso ngüsoüh nung tsümeikün chhi nouso apem ngengekü chhiji!

¹⁰Ngü Israel nai alekkatau lümeikü chhi tsak ep: nungh jü khaiuniasoüh sotsom nouso tü amkhamkü ngüso chija longeilouwaniu.

¹¹“Naiuso Yihuda khaiuniahoi, asam thaiutha to, asamüh ti chhiji nung thaiutha angja kiuau ngü atao nou thatsankü taim.”