Read Khiamniungan Naga Yoel 1 Bible Online

Yoel 1 - Khiamniungan Naga bible

Yoel 1

¹Pethuel thso Yoel dongai shitsün APAOU ngiongem:

²Asam petche nouso mongkiukü anglu; Yihuda nai noitsün chikü a-anglu. Asam taoko tsüdekünai asam paosiposo taoko, nungti jam lüko thawaokü noimo?

³Nung thaiutha asam thsoso hau lüchite; asam thsosoüh ngüso thsoso hau chiteshi-e, loüh ngüsoüh nungthan vetao hau chiteshi-e.

⁴Jongku ahoi ahoi ta shikü chihpai nouso tsapjeikü hü; ahoi tsaküh poitaiutsün chihson nungthan hoi nou hean.

⁵Asam thengtuk hoi nouso achu küta lüshap; asam thengshiu nouso sangh asong nou lüshap; theng ayan shanao nou sainaoshep nouso hethiowaniu.

⁶Jongku nouso hoi tsaküh sam goumchi tü shipo-iu, ngüso thatü kong naiuso aweau tsüshio, naiuso ngüso hou chongkhao houli amonting noin.

⁷Ngüsoüh sam sainaoshep lotheaniu, naiuso sam phiu-pai nouso heaniu. Ngüsoüh nung pai nouso athaiu iulakü akhun nouso ji-aniu.

⁸Menyiuthso tsak apa tsamsigoh yangau noitsün, pohai ean nai shaptsün khekkü asam khaiunia nouso lüshap.

⁹Nungko Amkham Tsam nai chaithio kiuau chih naiuso theng tsünoi; ngüsoüh APAOU hau chaithio kiuau tsütaiu nou shioko mesonhoi mongsaiuji.

¹⁰Eiu nouso akeng; goh nou mongsaiuji, tiautenai chih nou lotheaniu, sainaoshep nouso wonaniu, naiuso olip-pai nouso seianiu.

¹¹Asam eiu-atsünso lümongsaiu, asam sainaoshep eiu paotsangtsünso lüshap, tiautenai whet tso naiuso barlitso chihpai nouso apem lotheaniu.

¹²Sainaoshep naiuso phiu-pai nouso seianiu; shep pai nouso chikü wonkü eaniu. Khaiuniathso nouso ainou amongling khuwaniu.

¹³Amthang nai yathsüotsün asam meson nouso, nethe tenkü lüshap! Amkham Tsamai khuküta asoh chikü lümongsaiu! Tiautenai asam Goa hau chaithio kiuau, nungko chih tsüdekünai theng tsünoi.

¹⁴Keithon louau thaiutha ngiokhem kiukü ajeiaikam lüjonkam! Asam Goa APAOU Amkham Tsam nai ahei nouso naiuso, Yihuda khaiunia chikü alokam küta Apa tü lüwe.

¹⁵APAOU ajekhaiu nou shimkü noin, Akongting Goa nou alothe kankü shi-e, Nung ajekhaiu konai tichantso lekkate!

¹⁶Sam chih lotheanphe sam ayang khemaniu. Sam Goa Amkham Tsam nai amongling tsünoi.

¹⁷Gohwai nai tsole nouso eanji, akamtaiuao khülam tsünoi, nungtiphe bei akeng nouso nyi-ankü noin.

¹⁸Thainian nouso a-angja nou ngaoji, tiautenai ngüso thaiutha thsanyan tsünoi; onnemok hoi nouso lüko angjaji.

¹⁹APAOU, ngo ni tü weji, tiautenai in nou jekthiowantsünli, thsanyan nouso naiuso pai nouso wonaniu.

²⁰Liu thainian nousoüh saokü ni tü weji, tiautenai haiungan nouso ap-aniu.