Read Khiamniungan Naga Amos 3 Bible Online

Amos 3 - Khiamniungan Naga bible

Amos 3

¹Israel khaiuniaso, apaüh Ijip ainou niasantsün mele athum nouso, APAOU nou asam thaiutha chitetsün nung ngiongem nouso asamüh anglu:

²“Goumchi mele chikü chiai, ngo ngekü paotsangtsün tsak nou asam lu noin. Asam angei thatü thsüowaniu, nungshioko ngo asam hau angja kiuaolu noin.”

³Epe au tsükhemtaiukü nai khaiunia nime atao tsakkolu aikü süme tsalou-e süne?

⁴Ehe au tso tsak tsüepkünai liutsa nai chongkhao tsak ngao-e süne? Apaüh he au tso tsak tsüthaloukün lektso chongkhaotso tsak apa ken ainou ngao-e süne?

⁵Jin tsüjintaiukü nai, waio tsak jin nouko mone süne? Jin nai tso tsak momonkün lektso jin tsak ajintaiu ainou thamao shio-e süne?

⁶Noknio nai ehli jangongmat ngem lu nai khaiuniahoi tsühate süne? APAOU nou tsühongkü nai noknio tsak tü aküothe nou thawao-e süne?

⁷Akhengting APAOU nou apa ayang apa yathsüotsün e-pohoi hau tsünge-i taiukü tilaitso tsüchhiji.

⁸Tilai chongkhao tsak ngaoji, nunglun tsühatkü sau noi-e? Tilai Akhengting APAOU nou chite-e, apa ngiongem tsüpungpengkü noiau sauüh shio-e?

⁹Ijip naiuso Asdod hai nokpao tsam nai noinso tü nungso lüwelut: “Samaria lemkü noitsün king nouso ai asam akamshi naiuso nungko apülai naiuso ngiokhem lothetsün tü athap.”

¹⁰APAOU nou ngioji, “Nung khaiunia nousoüh ngüso tsamsong ayam tsüthakünai naiuso pha po-ekü aploutsün jengtsaiu nou thamean kü noin. Ngüsoüh titi thekü ngiotsüo noi-e nungtso tsünge.

¹¹Nungtiphe ehoi tsaküh ngüso goumchi lemloukü, ngüso ehjiothang nouso lotheküta ngüso tsamsong nouso yamheane.”

¹²APAOU nou ngioji, “Chongkhao tsaküh onnemok tsak hean nai, onnemok jimtsün nou ahok nime tsüdekünai anoukhan tsaklu eploutsünli, lo Samaria hai khaiunia sauhai alengmei then chiai aaloukü noin, nungso thsaothsaokülu aasane.

¹³Nungtiphe lo anglu, Yakob thsaosithsoso tü alotsüo lükiu ta Akongting APAOU nou ngioji.

¹⁴Ngo Israel khaiuniahoi nouso hau ngüso angei thaiutha angja kiutsün ajekhaiu ko nai, ngo Bethel nai amthang nouso lotheane. Amthang pungkü aniokün nouso pai-ane, naiuso nung goh ai sali-e.

¹⁵Ngüso ah-ou tsam naiuso asaiu tsam nouso lotheane. Chaiou jengtsaiu alengyamlutkü noitsün tsam nouso loithiokü nyi-ane; naiuso tsam asong nouso apem lotheane.”