Read Khiamniungan Naga Yona 2 Bible Online

Yona 2 - Khiamniungan Naga bible

Yona 2

¹Yonaüh ngou thaimongai noikü APAOU apa Goa tü misaokü ngiom,

²“Jü angja ainou Oh APAOU ngo ni tü jon, naiuso ni ngü tü thashin. Eanhai goumchi akheiting ainou ahalou thaiutha ngo ni tü we, naiuso ni ngü wetsün lula.

³Nia ngü khiamnok athanting nai yakthiowan, nungko khiam nousoüh ngü limjei, naiuso akongting khiampek nou jüchiai tsang.

⁴Adong ainou ngo thumkü pungeaniu, naiuso ni nou asio amkham tsam tilaitso tsüepshi-e ta ngo yang.

⁵Khiam nou jüchiai tsang naiuso ngo sapelat; khiamnok nou ngü thumkü limjei, naiuso khiamnok kheiai noitsün sangh nou jükhaiu khipokkan.

⁶King akheiting nai tiai bekou nouso asaita kiapkü noiji, nung saokü ngo saom. Lüko O APAOU, jü Goa ni ngü akheiting ainou aa laokü shi-in.

⁷Tilai ngo jü aa ouchankü iula, nungaih ngo ni tü misao sao, O APAOU. Naiuso ni nou asio amkham tsam ainou ngü wetsün ni lula.

⁸Sauhaiüh yaang sotsom nouso amkhamji, ngüsoüh niko ngiotsüo noitsün le-aniu.

⁹Lüko ngo ni tü alomsan jih nou hange; ngo ni hau aloat chaithio nou kiu-e, naiuso ngo thaloutaiu nou chhi-e. Aasan nou APAOU ainou shiji!”

¹⁰Nungaih APAOU nou ngou hau Yona haiusai nai phushiau ngiokhem kiu, naiuso ngou nou Yona phushikü noiküla.