Read Khiamniungan Naga Yona 3 Bible Online

Yona 3 - Khiamniungan Naga bible

Yona 3

¹APAOU nou loüh jam Yona ko chitekü ngiom,

²“Nineve noknio asong ai lükhu, küta ngo nihau kiutsün ngiongem nou khaiunia nouso tü lüpunglut.”

³Nungtiphe Yonaüh APAOU ngio angkü Nineve noknio asong sübao thsatlükhunao ajekhaiu samnyi thangoikü thekü noiküla nungai khu.

⁴Tilai Yona nung noknio thsatkü khuau tsalou, nyitso thanyakü tsakei küta, apaüh nung Nineve noknio “Aopülenyi mongko mowane!” ta punglut.

⁵Nineve haiüh Goa ngiongem kankü pungluttsün da monglam. Nungtiphe khaiunia asong ehen chiküüh mong phokle-iu ta hanau nethe tenkü keithon misao louau thatsan.

⁶Tilai Nineve hai nokpao nou nung thaiutha lula, apa nokpao noikham ainou saoküta, meshen nokpao neshe khouwankü nethe tenlou, naiuso luo ongai moknoi.

⁷Apaüh Nineve hai dongai awepengtsün ngio tsak nungti hong, “Nokpao naiuso apa khemko noitsün asonghoi ainou ngiokhem: Khaiunia, thainian, naiuso onnemok hoi sauüh titso tsüheshiu-e.

⁸Anyithu nu asahangthu tsütelah aleshithsü npvüthuh yishü. Anyi tsütelah ma eshüenah yencüki nu kekuli nkemehaithu tsü teshi nu lebentsentsa sala Anyiza wi kekhih nsathuh yishü.

⁹Tsüngean, Goa nou apa mongyang phokle shikü apa amongmat laolou-e naiuso sam tsümowane sao!”

¹⁰Ngüso chhi Goa nou ep. Ngüsoüh akausai chhisiya nou waniu ta apaüh ep. Nungtiphe apa mongyang phokle shiküta ngüso hau angja kiuau noitsün ainou tsüchhikü laolou.