Read Khiamniungan Naga Yona 4 Bible Online

Yona 4 - Khiamniungan Naga bible

Yona 4

¹Nung thaiutha Yona thatü tsümonglingkü noiküla naiuso mongmat kü iula.

²Nungtiphe apaüh misao saokü ngiom, “APAOU, ngo jütsam wankü mokhukün khako ni nungti chhi-e ta tsüngio süne? Nungshioko ngo, ngü shiotsün lektso Spain ai khulükhunau kowe! Ni atsüojintsün, naiuso atsüojinyang hantsün Goa, asaita jeilouji, asaita amongmei hanji, naiuso asaita amongyang li-eshiau shioji, naiuso angja tsükiuji ta ngo ngen.

³Nungtiphe APAOU, lo jü aa ngü ainou alouwan. Ngo aa noiau nouko to ean naibao chen.”

⁴APAOU nou thalakü ngiom, “Ni mongmatau ti ayam noin?”

⁵Nungaih Yona noknio ajepek nai khukü moknoi. Nungko apaüh Nineve tü ti thawao-e ta taiukü apa chija ah-khemso tsak shanloukü nungsoh ko noi.

⁶Nungaih APAOU Goa nou Yona hau ah-khemsoh intso kiukü paisam tsak samsan-i. Nung paisam nou tü Yona thatü monglingatkü noiküla.

⁷Lüko nungthannyap, Goa nou nung paisam nou tü paosung tsak po-i naiuso nung ean.

⁸Ajepek küta Goa nou shingngan ahsheih thatü jekkü tsak hong, naiuso nungko Yona apa khaiu-ai ajejek nou aiulakü loianauli noiküla. Nungtiphe apaüh eanaubao mongchiokü ngiom, “Ngo aa noiau nouko to eanbao chen.”

⁹Lüko Goa nou apa tü ngiom, “Paisam thaiutha mongmat au ni ti ayam noin?” Yonaüh thalakü ngiom, “Ngo mongmattsün eau chomkü mong matji!”

¹⁰APAOU nou apa tü ngiom, “Nung paisam sohtso samsan, lüko nungthan nyap nai nung mowan; nung thaiutha ni titso tsüchhi, naiuso nungh ni tsüsamsan-i, külüko ni nung thaiutha yangelatji!

¹¹Nungti Nineve noknio asong sübaoko khaiunia haowe 120, 000 chiai shikü aphio tsüsunkünso naiuso thainian piakü noitsün nung noknio thaiutha ngo atsüojin tsüyangkiu-e süne!?”