Read Khiamniungan Naga Haove 1 Bible Online

Haove 1 - Khiamniungan Naga bible

Haove 1

¹Israel khaiunia nousüh Ijip lean küta nepon nouko alei nime nou da chongting ajekhaiu nouko nai APAOU nou Sinai liutsa nai Apa noitsün Nejenkhio nouko Mosa tü chite. Apaüh ngiom,

²“Aron ajeüh Israel khaiunia kau kau, naiuso pothso pothso ta vetaoling haove lülo, nungko pon eknime tsüdekünai

³nung khengai nouso sauhai süpai chhisiya nai hau waokü noin nungso melohoi apem nian alingsan.

⁴Aje tü hachuau pothso naiuso kau nouso pungkü ainou ateng tsak tsak kiuao lüsang.”

⁵Nung chhisiya thaiutha ngüso hoikam ainou chosantsün khaiunia nungso noiküla: [Kau] — [Pothso nai ateng] Reuben — Shedeur thso Elizur Simeon — Zurishadai thso Shelumiel Judah — Aminadab thso Nashon Issachar — Zuar thso Nethanel Zebulun — Helon thso Eliab Efraim — Amihud thso Elishama Manase — Pedazur thso Gamaliel Bejamin — Gideoni thso Abidan Dan — Amishadai thso Ahiezer Asher — Okran thso Pagiel Gad — Deuel thso Eliasap Naptali — Enan thso Ahira

¹⁷Nungso khaiunia chekü nime ahachu hakü Mosa naiuso Aronüh

¹⁸ngüso hoikam ainou alei nime chongting ajekhaiu nouko nai jonkam küta ateng nouso niakü pon eknime ainou nung khengai nouso khaiunia pungkü kau kau, pothso pothso, nian satthio küta vesani.

¹⁹APAOU nou Mosa tü thoiluttsünli, apaüh Sinai liutsa nai khaiuniahoi nian satthio.

²⁰Yakob thso- yamchong Reuben tü chetsinyimtsün kau kau, pothso pothso atengthso nou niakü süpai theao waokü noitsünso pohai pon eknime naiuso nung khengai nouso nian satlo. Nungso apem kamkü nai nungti noiküla: [Kau] — [Haove] Reuben — 46, 500 Simeon — 59, 300 Gad — 45, 650 Yihuda — 74, 600 Isakar — 54, 400 Zebulun — 57, 400 Efraim — 40, 500 Manase — 32, 200 Bejamin — 35, 400 Dan — 62, 700 Asher — 41, 500 Naptali — 53, 400 Apem Kamkou: — 603, 550

⁴⁷Levihai to amao kau nouso haove nai tsüvelutha,

⁴⁸tiautenai APAOU nou Mosa tü nungti ngiokü noiküla:

⁴⁹“Tilai ni süpai chhisiya thaiutha waokü noitsün khaiuniahoi vetaoling haove lo-e, Levi kau to lamonglohakü ataiu.

⁵⁰Nungliko Levihai hau Ngo Noitsün Nejenkhio naiuso nungko noitsün jengtsaiu chiai apaotsangau lütaiu. Ngüsoüh nung Nejenkhio naiuso nungko noitsün jengtsaiu nou pi-kei-e, naiuso nungko yathsüoe, naiuso ngüsoüh nung lemjeikü asaothang shane.

⁵¹Ti taoko asamüh asaothang nou soisoi-e, Levi haiüh nung Nejenkhio nou pi-lokü khu-e küta asaothang ayan pungkü loüh nung lachoshiao noin, sau nung Nejenkhio shimkü shi-e apa to loatkü wane.

⁵²Israel thsoso apoi nousoüh ngüso nejenkhio khaiunia pungkü nou momo saothang nai naiuso hoihoi akhengting hoili lingtaiukü shanela.

⁵³Lüko ajantso shimkü shikü Ngü mongmat sungtsün Israel hoikam tü tsüshi-iao thaiutha Levi haiüh to Nejenkhio lemkü ngüso saothang shane küta nungtü jime.”

⁵⁴Nungti APAOU nou Mosa tü thoiluttsünli Israel thsosoüh alum chhin.