Read Khiamniungan Naga Haove 14 Bible Online

Haove 14 - Khiamniungan Naga bible

Haove 14

¹Nungh asoh chikü khaiunia- hoi nou sang songkü vekü mongsaiu.

²Ngüsoüh Mosa si Aron netü namnamkü ngiom, “Ijip nai tsüdekünai nungko liutsa nai ean naibao thatü chenela!.

³APAOU nou sam nung goumchi ai tiauta nialokü khuji? Sam ehli nai loatkü wane, naiuso sam tsammong- nyiuso si sam thsoso thalowane. Ijip nai laokü khushiao meitsokü tsüde süne?

⁴Nungtiphe ngüso tsak si tsak chitekü ngiom, Samüh ahei tsak choloküta Ijip nai laokü khuko!”

⁵Nungai Mosa si Aron ne khaiuniahoi apem khako goh ai kaukü nap.

⁶Nungko Nun thso Yihusua naiuso Jefune thso Kaleb akauthahoi ongko khaiunia nime, ngüneüh amongkia nou ngüne neshe chipek,

⁷küta khaiuniahoi nouso tü ngiom, “Samüh sailukü shitsün goumchi usokkü meitsün goumchi tsak noin.

⁸APAOU mong lengtsün samko hanaito, apaüh sam nungai nialokü khu-e naiuso sam hau nung atsah naiuso iiu goumchi nou kiu-e.

⁹APAOU thako khengshikü lathe naiuso nungai kihtsün khaiuniahoi tü hatkü lanoi. Samüh ngüso siu- demeikü shiolowane.”

¹⁰Hoikam athum nou ngüso lung nou yakkate ta lohattsün taoko, alekta Nejenkhio khütha nai khaiuniahoi nou APAOU hatsün ajinka awon epkü noiküla.

¹¹APAOU nou Mosa tü ngiom, “Nung khaiuniahoi nou tilektso Ngo lean-e? Ngüso ongko Ngo athanga chhisiya piakü chhi lüko, ngüsoüh Ngü tü monglamao tilektso shanane?

¹²Ngo akia tsak nou ngüso loate, lüko Ngo ni ngüso oukong chiai mele tsak po shankiu-e!”

¹³Lüko Mosaüh APAOU nou tü ngiom, “Ni nung khaiuniahoi nou Ijip ainou aoukong tsangkü nialokü shin. Tilai Ijip haiüh ni akhaiuniaso ti chhin nung lulaji,

¹⁴ngüsoüh nung thaiutha nung goumchi nai kihtsün khaiuniahoi hau chite-e. Nung khaiunia nousoüh APAOU ni, samko hakü noin ta lula-aniu, nung athengmia sam khütha nai laokü noi nai ngüsoüh tsangsheikü epio, nung- ko anyi taoko ni thengmia kheam mongai noikü sam khako khuji naiuso asoh taoko In kheam tsangkü khuji.

¹⁵Lo, ni nung akhaiuniaso apem loattan naito, anian asong thaiutha lulatsün mele nousoüh

¹⁶ni akhaiuniaso hau kiuao thaloutaiu- tsün goumchi nai nialokü napao tsüshiokü akhaiuniaso apem liutsa nai loattan ta ngio-e.

¹⁷Nungtiphe lo, APAOU, ngo nitü kojaji, sam hau aoukong ahan naiuso ni thalotsün taoko ti ngioküla nung lüchhi.”

¹⁸“Ngo, APAOU, shakta tsümong- mat, naiuso atsüojinyang nai saiukü, angei suntsün naiuso ngiokhem lo- thetsün aphio wankiuji. Lüko ngüso paosipo nou suntsün angei thsoso khako, vetao süme si vetao püle saokü nou ta ngo angja tsükiukü to tsülaowe.

¹⁹Naiuso lo, APAOU, ni asongting naiuso tsüli-eshitsün atsüojin tsangko ngüso Ijip wankü khutsün khako nou saokü angei ngüso hau wankiukü shitsünli, nung khaiunia nouso angei awankiu ta ngo kojaji.”

²⁰APAOU nou thalakü ngiom, “Ni kojatsünli ngo ngüso angei wankiu-e.

²¹Lüko Ngo atsüoting aa noitsünli, naiuso ngo atsüoting hakü noitsünli, goumchi apem jü ajinka nou meanne,

²²naiuso nungso khaiuniahoi sauühtso nung goumchi nai napao shiokü aakih tsünoi-e. Ngüsoüh ngü hatsün, naiuso Ijip liutsa nai ngo athanga hantsün ajinka nou epiu, lüko ngüsoüh jümongau laiu nou tü lolokü thelu naiuso ngü tü angio angao tsüaiu.

²³Ngo ngüso paosiposo tü thalotaiutsün goumchi nai ngüso tilaitso tsünape. Ngo wanantsün saulünou nungai tsünape.

²⁴Lüko Ngü yathsüotsün Kaleb saisile amao haiko nai apa tü mothikü noi nou shioko, apaüh sailukü shitsün goumchi nai ngo apa niathio-e, naiuso apa thsaosithsosoüh goumchi

²⁵lo Amalek hai naiuso Kananhai kihtsün tsamei nou thalo-e. Lühom asam laokü ashi küta Agaba yam dongai liutsa nai asam lünap.”

²⁶APAOU nou Mosa si Aron netü ngiom,

²⁷“Nung akausai khaiuniahoi nou jükhako tilektso namname? Ngo nungso namnamtsün lula-iu!

²⁸Lo ngüso hau nung athashitsün lükiu: “‘Ngo aa noitsün lektso asamüh ti sang, nung ngo asam tü chhi-e ta Ngo, APAOU, nou chitekü ngiomong shingji.

²⁹Asam eane küta asam mea nouso nung liutsa nai mowane. Tiau- tenai asamüh jüthako namnamphe, asam achetpon eknime khengai nouso saulünou nung goumchi nai tsünape.

³⁰Ngo asam nung goumchi nai kih-iao thaloum, lüko Kaleb naiuso Yihusua tü simkü asam tsaktso tsünape.

³¹Asamüh asam thsoso ehoi nou thalowane ta ngiom, lüko asamüh wanantsün nung goumchi nai ngo ngüso niathio-e, küta nung goumchi ngüso tsamao iula-e.

³²Asam nung liutsa nai eane.

³³Asam aphiteng tsak nou moean- kün lektso, asam mong tsülamtsün thaiutha angjakü, asam thsoso nung liutsa nai pon aopüle tsakei-e.

³⁴Asam pon aopüle asam angei mai angja-e. Ajekhaiu tsak nou pon tsak thaiutha asamüh goumchi nou tü sailukü wanane. Asamüh Ngü tü ti thaiutha khengshikü noiküla nung ngela-e.

³⁵Ngo nung asam akausai khaiuniahoi jü thako aikü kamsankü noin nung thaiutha asam tü chhi-e ta ngiomong shinge shankü ngioji. Asam chikü nung liutsa nai eane. Ngo, APAOU, nou nung ngiowaniu!’”

³⁶Mosaüh goumchi sailuaohongtsün khaiuniahoi nou tsüthakünngiongem kankü shin, nungshiokokhaiuniahoi nou APAOU thako namnamaoiulakü noiküla. Nungtiphe APAOUnou ngüso tü akia tsak noushiuh naiuso ngüso ean.

³⁸Akautha chekü nime ongko Yihusua si Kaleb nelu poisan.

³⁹Tilai Mosaüh Israelhai hau APAOU nou ngiotsün chite, ngüso tha- tü thsüokü mongsaiu.

⁴⁰Nungthan nyap ahom beta ngüso king goumchi komheau nung ngiokü tsaloji: “Lo sam APAOU nou sam tü chitetsün athang thaiutha khuau khemloji. Tiautenai samüh angei sunlo-iu.”

⁴¹Lüko Mosaüh ngiom, “Ashio tsüepe ta asamüh ngekü tiauta APAOU nou thoiluttsün asamüh lo- theanau mongchiokü khuji!

⁴²Asam lakhu; APAOU asam ko hakü tsünoi, naiuso asam ehoiüh asam shioheane.

⁴³Asamüh tilai Amalek hai naiuso Kananhai phetee, asam ehli nai eane; APAOU nou asam ko tsüha-e tiautenai asamüh apa tü hoilutao tsümong- chio.”

⁴⁴Lüko ngüsoüh nyah, ta king goumchi nai mongdem sungh, nungti lüko APAOU Athalou-e Paidan naiuso Mosa saothang ainou tsalokü tsükhu.

⁴⁵Nungai Amalek hai si Kananhai nungko kihkü noiküla ngüso shikü Israelhai tü poküta ngüso shiohean, küta ngüso tü Horma saokü komkü khu.