Read Khiamniungan Naga Haove 2 Bible Online

Haove 2 - Khiamniungan Naga bible

Haove 2

¹APAOU nou Mosa naiuso Aron tü nungso ayamhan kiukü ngiom.

²Tilai Israel haiüh asaothang shane, khaiunia pungkü nou momo tengkhaiu naiuso kau kau ün Nisan shimkü asaothang dongai kha sheisheikü nung lemkü taiuküta ngüso Nejenkhio lah au noin.

³Ajepek nai, ajepektsün tü sheilutkü sauhaiüh nejenkhio lahshan, ngüso Yihuda saothang nian kankü, ahoi ahoi yangkü noitsünli kih au noin, ngüso nung ahei nouso khemko noiküla: [Kau] — [Ahei] — [Haove] Yihuda — Aminadab thso Nashon — 74, 600 Isakar — Zuar thso Nethanel — 54, 400 Zebulun — Helon thso Eliab — 57, 400 — Apem kamko — 186, 400 Atsalo nai Yihuda kau nung khachongau the-e

¹⁰Ajepekki nai, ajepekki nou tü sheilutkü sauhaiüh nejenkhio lahshane, ngüsoüh Reuben saothang nisan kankü, hoi hoi yangkü noitsünli kih au noin, ngüso nungso ahei nouso khemko noiküla: [Kau] — [Ahei] — [Haove] Reuben — Shedeur thso Elizur — 46, 500 Simeon — Zurishadai thso Shelumiel — 59, 300 Gad — Deuel thso Eliashap — 45, 650 — Apem kamko — 151, 450 Reuben kau nung Yihuda tü thankü

¹⁷Nung phiai chongai hoi nime naiuso phiai hoi nime nou jetko Levi kau nou Nejenkhio pikü khuau noin. Hoi pungkü nou ngüso saothang aling yangkü noitsün lilu kha ai momohoi nisan khemko momo noithang nai noikü khu-ela.

¹⁸Ajenap nai Efraim hoi nisan khemko noitsünsoüh ngüso saothang shantsün nungso ahei nouso khemko noiküla: [Kau] — [Ahei] — [Haove] Efraim — Amihud thso Elishama — 40, 500 Manase — Pedazur thso Gamaliel — 32, 200 Benjamin — Gideoni thso Abidan — 35, 400 — Apem kamko — 108, 100 Efraim kau nung ahoi ling süme nouko tsalou-e

²⁵Ajenapki nai Dan hoi nisan khemko noitsünsoüh ngüso saothang shantsün nungso ahei nouso khemko noiküla: [Kau] — [Ahei] — [Haove] Dan — Amishadai thso Ahiezer — 62, 700 Asher — Okran thso Pagiel — 41, 500 Napthali — Enan thso Ahira — 53, 400 — Apem kamko — 157, 600 Apem chiko Dan Kauüh philokü tsalou-e

³²Israelhai vetaoling haove nai hoi nouso apem kamko nai mepem 603, 550 noiküla.

³³APAOU nou Mosa tü thoiluttsünli, Levi haito Israelhai amao nouso niansat thiotsün nai tsüsat thiohakü wan.

³⁴Nungti Israel haiüh Mosa tü APAOU nou thoiluttsünli alum chhin. Ngüso pungkü momo nisan khemko asaothang shan, naiuso ngüso khaiunia pungkü momo kauko aikü tsalokü khu.