Read Khiamniungan Naga Haove 26 Bible Online

Haove 26 - Khiamniungan Naga bible

Haove 26

¹Imkia phiai APAOU nou Mosa naiuso Aron thso Eleazar tü ngiom,

²“Israel hoikam athum pothso pothso lingkü melohai achetpon eknime tsüdekünai nung khengai nouso sauhai süpai chhisiya nai omkü noin nungso vetaoling haove lülo.”

³Mosa naiuso Eleazar neüh angiotsün angkü, nung chhisiya thaiutha pon omkü noitsün jonkam. Ngüso Yeriko ainou Yordan Haiu yankü Moab Tsamei nai kamshin. Ijip ainou shikhutsün Israelhai nungso noiküla:

⁴

⁵Reuben kau (Yakob thsoyam- chong) tü chetsinyimtsün: Hanok kau, Pallu kau,

⁶Hezron kau, Karmi kau,

⁷nung kau nouso haove melohai=43, 730 noiküla.

⁸Pallu tü chetsinyimtsünso=Eliab

⁹naiuso apa thsoso Nemuel, Datan naiuso Abiram (Nung Datan si Abiram ne hoikam nou chosantsün noiküla. Ngüsoüh Mosa si Aron ne lochikiu naiuso Kora tü hoilut, nungai ngüsoüh APAOU tü khengshi.

¹⁰Goh nou pai küta ngüso miolian, naiuso ngüso Kora ko tilai khaiunia 250 in nou jah-ankü ean; nung ngüso chhisiya hoi thaiutha alotsüoao iula.

¹¹Lüko Kora thsoso to tsüloatkü noiküla.)

¹²Simeon kau nai pothso pothso janetsün: Nemuel pothso, Jamin pothso, Jakin pothso,

¹³Zera pothso, naiuso Shaul pothso,

¹⁴Nung pothso nouso haove melohai= 22, 200 noiküla.

¹⁵Gad kau ai pothso pothso janetsün: Zefon pothso, Haggai pothso, Shuni pothso,

¹⁶Ozni pothso, Eri pothso,

¹⁷Arod pothso, naiuso Areli pothso,

¹⁸Nung kau nouso haove melohai= 40, 500 noiküla.

¹⁹Yihuda kau ai pothso pothso janetsün: Shela pothso, Perez pothso, Zera pothso, Hezron pothso, naiuso Hamul pothso (Yihuda thso nime Er naiuso Onan ne Kanan goumchi nai ean)

²⁰

²¹

²²Nung kau nouso haove melohai= 76, 500 noiküla.

²³Isakar kau ai pothso pothso janetsün: Tola pothso, Pua pothso,

²⁴Jashub pothso, naiuso Shimron pothso.

²⁵Nung kau nouso haove melohai= 64, 300 noiküla.

²⁶Zebulun kau ai pothso pothso janetsün: Sered pothso, Elon pothso, naiuso Jalel pothso.

²⁷Nung kau nouso haove melohai= 60, 500 noiküla.

²⁸Yosep(Manase si Efraim ne Po) kau ai pothso pothso janetsün:

²⁹Manase pothso: Manase thso Makir nung Gilead Po noiküla. Gilead ainou nungso paosipo naiuso pothso nouso sungh:

³⁰Iezer pothso, Halek pothso,

³¹Asriel pothso, Shekim pothso,

³²Shemeda pothso, naiuso Hefer pothso,

³³Hefer thso Zelofehat tü me- lothso tsüchetlut, lüko menyiuthsolu chetlutkiukü noiküla. Ngüso nian nungso noin: Mahla, Noah, Hokla, Milka, naiuso Tirza.

³⁴Nung kau nouso haove melohai= 52, 700 noiküla.

³⁵Efraim kau ai pothso pothso janetsün: Shuthela pothso, Beker pothso, naiuso Tahan pothso,

³⁶Eran pothso nung Shuthela ainou nyimsan.

³⁷Nung kau nouso haove melohai= 32, 500 noiküla. Nung kau nouso Yosep ainou nyimsantsün noiküla.

³⁸Benjamin kau ai pothso pothso janetsün: Bela pothso, Asbel pothso, Ahiram pothso,

³⁹Shefufam, naiuso Hufam.

⁴⁰Ard naiuso Naman kau nouso Bela ainou nyimsan.

⁴¹Nung kau nouso haove melohai= 45, 600 noiküla.

⁴²Dan kau ai pothso pothso janetsün: Shuham pothso,

⁴³Nung kau haove melohai= 64, 400 noiküla.

⁴⁴Asher kau ai pothso pothso janetsün: Imna pothso, Isvi pothso, naiuso Beria pothso.

⁴⁵Heber naiuso Malkiel kau Beria ainou nyimsan.

⁴⁶Asher thso menyiuthso tsak nian nou Sera noiküla.

⁴⁷Nung kau nouso haove melohai= 53, 400 noiküla.

⁴⁸Naptali kau ai pothso pothso janetsün: Jazel pothso, Guni pothso,

⁴⁹Jezer pothso, naiuso Shilem pothso.

⁵⁰Nung kau nouso haove melohai= 45, 400 noiküla.

⁵¹Apem kamko Israelhai haove melohai = 601, 730 noiküla.

⁵²APAOU nou Mosa tü ngiom,

⁵³“Goh nou kau nouso mongko momohoi asong ehen likü lüjanthat.

⁵⁴Goh nou phongde tsangkü lüjanthat, küta haoson asong nou kau asong hau naiuso haoson ehen nou kau ehen hau ta lüsonkiu.”

⁵⁵

⁵⁶

⁵⁷Levi kau mongko pothso janthattsün: Gershon pothso, Kohat pothso, naiuso Merari pothso,

⁵⁸Ngüso thsaosithsoso ko Libni pothso, Hebron pothso, Mahli pothso, naiuso Kora pothso nouso noin. Kohat nung Amram Po noiküla,

⁵⁹apaüh Levi thso menyiuthso Jokebed sau Ijip nai noi taoko chet apa tsamsigoh yang. Naiuso apaüh Amram hau melothso nime Aron si Mosa ne naiuso menyiuthso tsak Miriam chetkiu.

⁶⁰Aron tü melothso püle chetlut: Ngüso Nadab, Abihu, Eleazar, naiuso Itamar noiküla.

⁶¹Nadab naiuso Abihu ne tilai ngüneüh APAOU hau tsüsiokün in chaithio thio, nungai ean.

⁶²Levihai melothso alei tsak tsüdekünai nung khengai nouso haove nai= 23, 000 noiküla. Ngüso amao Israelhai ainou mothikü haove nai welo, tiautenai ngüso hau Israel nai tengkam titso tsükiuha.

⁶³Nung kau nouso Mosa si Eleazar neüh tilai ngüso Yeriko tü lalutkü Yordan Haiu yankü Moab Tsamei nai Israelhai vetaoling haove lokü noiküla nung taoko satlokü taiu.

⁶⁴Nungai Sinai liutsa nai noi taoko chongting vetaoling Mosa naiuso Aron neüh velotsün mongko nou khaiunia tsaktso tsüsa ankü noiküla.

⁶⁵APAOU nou ngüso apem liutsa nai eane ta ngiokü noiküla, naiuso Jefune thso Kaleb si Nun thso Yihusua netü simkü ngüso apem ean.