Read Khiamniungan Naga Haove 27 Bible Online

Haove 27 - Khiamniungan Naga bible

Haove 27

¹Nungai Yosep thso Manase kau ainou Makir naiuso thsao nou Gilead thso Hefer, apa thso Zelofehad ün menyiuthsoso-Mahla, Noah, Hokla, Milka, naiuso Tirza noiküla.

²Ngüso khukü Mosa, meson Eleazar, aheihoi, naiuso hoikam athum khako APAOU noitsün Nejen- khio bekhan dongko tsaküta ngiom,

³“Sam Po liutsa nai melothso tsaktso tsüsataiukiukü ean. Apa Kora sauüh APAOU thako khengshi apa sahoi mongko tsüha, tiautenai apa meshen angei shioko ean.

⁴Apa melothso tsühakü nou shioko to, tiauta sam Po nian Israel hai ngiolat ainou mowane? Sam hau sam Po deisinioso ongko tengkam akiu.”

⁵Mosaüh ngüso thaiutha APAOU khako kankü shin,

⁶naiuso APAOU nou apa tü ngiom,

⁷“Zelofehad menyiuthsosoüh ti kojaji nung thakü noin, ngüso hau ngüso Po deisinioso ongko tengkam lükiu. Apa tengkam ngüso hau lükami.

⁸Israelhai tü nung lüngio, tilai khaiunia tsak apa tengkamao melothso tsüsataiu kiukü eane, apa menyiuthso nou apa jengtsaiu teng kame.

⁹Apaüh me- nyiuthso lüko tsüsataiu kiukü naito, apa deisiniosoüh teng kame.

¹⁰Apa deisinioso tsünoikü naito, apa Po deisiniosoüh teng kame.

¹¹Apa deisinio tsüdekünai posidei tsünoikü naito, apa pothso so ashimting nou teng kame, naiuso nung apa tengkhaiu jengtsaiuli kankei-e. Ngo, APAOU nou ni tü thoiluttsünli, Israel thsoso thaiutha nung asaita kankeitsün ngiokhem noi-e.”

¹²APAOU nou Mosa tü ngiom, “Abarim King chiai sungküta Ngo Israelhai hau kiutsün goumchi nou tü lüthaplu.

¹³Ni nung epküta adei Aronli ni lüko eane,

¹⁴tiautenai aje nemtsoüh Zin liutsa nai noi taoko Ngü thoiluttsün thako khengshi. Tilai hoikam athum nou Meriba nai Ngü thako namnamkü noiküla, nungai ajeüh jü oukong ngüso khako nianlom kiukü loksanao tsümong- chio.” (Meriba nung Zin liutsa Kades nai haiu noin.)

¹⁵Mosaüh misaokü ngiom,

¹⁶“Aa apem nyimsantsün APAOU Goa, ahoikamso onnemok ajimtsün tsünoikünhoi tsak khekkü tsütheao;

¹⁷hoitsak niakeiao montsün naiuso shiotsün khaiunia tsak athio ta ngo misaoji.”

¹⁸APAOU nou Mosa tü ngiom, “Nun thso Yihusua sau tü chhisiya shioau onthso noin, ni apa lülo küta apa khaiu da apha lüthanglut.

¹⁹Apa meson Eleazar naiuso hoikam athum khako tsakü anoi-i, küta nungko khaiunia chikü nou achhikam thangko cholotsün ta apa tü lüvelut.

²⁰Israel hoikam athum nou apa ngio angao, apa hau ni nou oukong ajantso lükiu.

²¹Apa meson Eleazar khako tsa-e naiuso meson nou apa thaiutha APAOU khako Urim naiuso Thummim tsangkü janekiuao sange. Nungti Eleazarüh Yihusua naiuso Israel hoikam athum ngüso chhisiya apem nouko niakei-e.”

²²Mosaüh APAOU nou apa tü thoiluttsünli chhikü noiküla. Apaüh Yihusua naiuso hoikam athum meson Eleazar khako tsakü noi-i.

²³APAOU nou thoilut- tsünli, Mosaüh apa pha Yihusua khaiu ai thanglut küta apaüh apa thangko cholotsün ta velut.