Read Khiamniungan Naga Haove 28 Bible Online

Haove 28 - Khiamniungan Naga bible

Haove 28

¹APAOU nou Mosa tü thoilutkü ngiom,

²Israelhai tü Goa hau chaithio kiutsün eheshiu chaithio apa monglingiao atao tongtü nai lüthio ta ayamhan lükiu.

³APAOU hau chaithio kiuao eheshiu chaithio nouso nungso noin: asaita ajahtsün chaithio thaiutha alengsat ti tsüpokü pon nime shelokü noitsün onnemok apong tsak.

⁴On- nemok chaithio chongting nou ahom, naiuso müjam nou asham,

⁵tsak tsak pungkü nouko chih chaithio tsoi tsak, Olip khiam ameiting tsoi nime lao-ekü thio-e.

⁶Sinai King ainai APAOU tü angannyam meikü nyam- tsün eheshiu chaithio thumkü jahkü chongting nou asaita chaithio nung chongting thiokü noiküla.

⁷Chong- ting onnemok chaithioko theng chaithio hakü thiotsünli theng tsoi nime nou amthang nou tü thsalut.

⁸Theng chaithioko hakü, asham onnemokthso chaithio nou lüko ahom chaithio saisile lilu thio-e. Nung lüko APAOU tü angannyam meikü nyamtsün chih chaithio tsak noiküla.

⁹Chinyatnyi nouko pon tsak shelokü noitsün onnemok pongtso alengsat ti tsüpokü apem nime thio-e, nungko hakü Olip khiam ko lao-ekü wonne tsoi nime chih chai- thio naiuso theng chaithioli thio-e.

¹⁰Nung ajahtsün chaithio chinyatnyi pungkü nai theng chaithio asaita thiotsün chaithio chiai aphop thio-ela.

¹¹Alei yalotsün pungkü asamüh APAOU hau ajahtsün chaithio kiu-ela: nung chaithio nou jangtsopong nime, onnemokpong tsak, alengsat tsüpokü pon tsak shelokü noitsün onnemok apong chinyat thio-ela.

¹²Chih chaithio tsakli, Olip khiam nouko wonne meikü lao-ekü, jangtsopong pungkü wonne tsoi süme, onnemok nouko hakü tsoi nime,

¹³naiuso on- nemokthso pungkü tsoi tsak thio-ela. Nung ajahtsün chaithio nouso APAOU tü angannyam nyamtsün chaithio nouso noin.

¹⁴Theng chaithio ayam naito jangtsopong pungkü nouko theng tsoi püle, onnemok chaithio nouko aikü hau tsoi süme, naiuso onnemok pungkü nouko tsoi nime thio-ela. Pon thum alei pungkü chongting ajekhaiu nouko ajahtsün chaithio thaiutha nung ngiokhem noin.

¹⁵Asaita ajahtsün chaithio nouko theng chaithio nouko aikü, wonpong tsak angei chaithio thio-ela.

¹⁶Chongting alei ajekhaiu chekü pülenyi nouko APAOU lomsantsün Aasan Sümai saoheao noin.

¹⁷Aje- khaiu chekü pungonyi nouko don sümai tsak ajekhaiu chinyatnyi thaiutha yaloji, nung taoko naito phoplao tsüthiokün themtsailu khemsankü heao noin.

¹⁸Sümai ayalotsün nyi nai asam amkham thaiutha kamshiao noin, naiuso nungko ti chhi tsüchhisiya-ela.

¹⁹APAOU hau eheshiu chaithio tsakli, ajahtsün chaithio tsak kiu-ela nung chaithio nouso: Jangtsopong nime, onnemok tsak, naiuso onnemok thso pon tsak tsak shelokü nou apem chinyat, nungso apem alengsat ti tsüpokü thio-ela.

²⁰Olip khiam ko wonne lao-ekü ayam nai eheshiu chaithio kiu-ela, nung chaithio nouso jangtsopong pungkü tsoi süme,

²¹onnemok pungkü tsoi tsak,

²²Loüh wonpong tsak angei chaithio kiu-ela, nungli khaiuniahoi thaiutha alosiotsün chaithio shanela.

²³Nung chaithio nouso asaita ahom ajahtsün chaithio ko hakü thio-ela.

²⁴Nunglilu chinyatnyi thaiutha APAOU hau angannyamtsün eheshiu chaithio athio. Nung chaithio asaita thiotsün ajah chaithio naiuso theng chaithio ko hakü athio.

²⁵Chinyatnyi nouko amkham kiuao kamshi-e nungko chhi titso tsüchhi-e.

²⁶Be-eiuyam sümai ayalonyi nouko nai, tilai asamüh APAOU hau chih ayan chaithio kiu-e, asamüh chhisiya titso tsüchhikü asam amkham thaiutha kamshiao noin.

²⁷APAOU hau angannyam nyamtsün ajah chaithio tsak athio, nung chaithio nouko jangtsopong nime, onnemok tsak, naiuso onnemok apong pon tsak tsak shelokü chinyat nungso apem alengsat ti tsüpokü athio.

²⁸Ayam nai eheshiu chaithio nou wone nouko Olip khiam lao-ekü, jangtsopong pungkü tsoi süme me, onnemok pungkü tsoi nime me,

²⁹naiuso onnemok pungkü tsoi tsak tsak ta thio-ela.

³⁰Loüh wonpong tsak angei chaithio au thio-ela, nungli khaiuniahoi thaiutha ko alo- siotsün amkham shanela.

³¹Nungso theng chaithio nouso asaita jahkü thiotsün eheshiu chaithio nouko hoihakü thio-ela.