Read Khiamniungan Naga Haove 29 Bible Online

Haove 29 - Khiamniungan Naga bible

Haove 29

¹Alei chinyat chongting aje- khaiu nouko asam asio amkham tsak kamao noin, nungko asamüh chhisiya titso tsüchhi-ela. Nung ajekhaiu asam thaiutha jangong mattsün ajekhaiu noin.

²Asamüh APAOU hau angannyam anyaothing nyamtsün ajah chaithio tsak thioau noin: jangtsopong tsak, onnemokpong tsak, naiuso pon tsak shelokü noitsün onnemok pungthso apem chinyat athio.

³Eheshiu chaithio wonne nouko Olip khiam lao-ekü, jangtsopong nouko hakü wonne tsoi süme, onnemokpong nouko hakü tsoi nime,

⁴naiuso onnemokthso chinyat nouso pungkü wone tsoi tsak tsak athio.

⁵Loüh wonpong tsak angei thaiutha chai- thio athio, küta nungli khaiuniahoi thaiutha alosio amkham ashan.

⁶Ajahtsün chaithio nouko nung apoithio chaithio eheshiu chaithio nouko aikü alei nouko ayalonyi nai athio, naiuso asaita ajahtsün chai- thio eheshiu chaithio nouso theng chaithio hakü athio.Nung eheshiu chaithio nouso APAOU khako angan- nyam meikü nyamtsün chaithio nouso noin.

⁷Alei chinyat ajekhaiu chenyi nouko asam asio amkham thaiutha akamshi, nung ajekhaiu nouko ti laheshiu, naiuso titso lachhisiya.

⁸APAOU hau angannyamtsün ajah chaithio tsak akiu: nung chaithio nouko jangtsopong tsak, onnemok tsak, naiuso pon tsak shelokü noi- tsün onnemokpong chinyat, nungso apem alengsat ti tsüpokü athio.

⁹Wonne nouko Olip khiam lao-ekü eheshiu chaithio nou athio: jangtsopong nouko hakü wonne tsoi süme, onnemokpong nouko hakü tsoi nime,

¹⁰naiuso onnemokthso chinyat nouso pungkü tsoi tsak tsak ta athio.

¹¹Loüh wonpong tsak khaiuniahoi thaiutha alosio au angei chaithio amkham shankü thiotsünko aikü won tsak athio, naiuso asaita ajahtsün chaithio ko aikü eheshiu chaithio naiuso theng chaithio athio.

¹²Alei chinyat ajekhaiu chekü pungo nouko asam asio amkham thaiutha akamshi. Ajekhaiu chinyatnyi chhisiya titso tsüchhikü asamüh APAOU lomsantsün sümai lüsaohe.

¹³Nung chongting ajekhaiu nouko APAOU hau angannyamtsün eheshiu chaithio lükiu, nung chaithio nouko jangtsopong chekü süme, onnemokpong nime, naiuso pon tsak shelokü noitsün onnemokpong chekü püle, nungso apem alengsat ti tsüpokü athio.

¹⁴Wonne nouko Olip khiam laoekü asaita chaithio thiotsün eheshiu chaithio lükiu; nungko: jangtsopong pungkü wonne tsoi süme, onnemok pungkü tsoi nime,

¹⁵onnemokthso pungkü tsoi tsak tsak, ta theng chaithio athang nouko hakü athio.

¹⁶Loüh wonpong tsak angei chaithio lükiu. Nungso ajahtsün, eheshiu naiuso theng chaithio nouso ko hakü lüthio.

¹⁷Ajekhaiu nenyi nouko jang- tsopong chekü nime, onnemok apong nime, naiuso pontsak shelokü nou onnemokthso chekü püle, nungso apem alengsat ti tsüpokü athio.

¹⁸Nungso chaithio nousoko aikü ajekhaiu chongting nou nyap thaiutha potsün amao chaithio nouso apem athio.

²⁰Ajekhaiu samnyi nouko jang- tsopong chekü tsak, onnemok nime, pon tsak shelokü noitsün onne- mokthso chekü püle nungso apem alengsat ti tsüpokü athio.

²¹Nungso chaithio nousoko aikü ayanyap thaiutha potsün amao chaithio nouso apem athio.

²³Ajekhaiu pülenyi nouko jang- tsopong che, onnemok nime, naiuso pon tsak shelokü noitsün onnemok apong chekü püle, nungso apem alengsat ti tsüpokü athio.

²⁴Nungso chaithio nouso ko aikü ayanyap thaiutha potsün amao chaithio nouso apem athio.

²⁶Ajekhaiu pungonyi nouko jangtsopong lükao, onnemok nime, naiuso pon tsak shelokü noitsün onnemokpong chekü püle, nungso apem alengsat ti tsüpokü athio.

²⁷Nungso chaithio nouso ko aikü ayanyap thaiutha potsün amao chaithio nouso apem athio.

²⁹Ajekhaiu louknyi nouko jangtsopong petjei, onnemok nime, naiuso pon tsak shelokü noitsün onnemokpong chekü püle, nungso apem alengsat ti tsüpokü athio.

³⁰Nungso chaithio nouso ko aikü ayanyap thaiutha potsün amao chaithio nouso apem athio.

³²Ajekhaiu chinyat nouko jangtsopong chinyat, onnemok nime, naiuso pon tsak shelokü noitsün onnemokpong chekü püle, nungso apem alengsat ti tsüpokü athio.

³³Nunghso chaithio nouso ko aikü ayanyap thaiutha potsün amao chaithio nouso apem athio.

³⁵Ajekhaiu petjeinyi nou ko asam asio amkham thaiutha akamshi, nungko chhisiya titso lachhi.

³⁶APAOU dongai angannyamtsün ajah chaithio tsak eheshiu chaithio tsakli akiu. Nung chaithio nouko jangtsopong tsak, onnemokpong tsak, naiuso pon tsak shelokü noitsün onnemokpong chinyat, nungso apem alengsat tsüpokü athio.

³⁷Nungso chaithio nouso ko aikü ayanyap thaiutha potsün amao chaithio nouso apem athio.

³⁹Ajahtsün chaithio, chih chaithio, theng chaithio, naiuso aalo chaithio nouso thaiutha asamüh APAOU hau sümai tao kiutsün thaiutha nung ngiokhem nouso noin. Asam ngio- mong shinge thawaotsün tsüdekünai amongchio chaithio nouso kiutsün ko hakü kiuao nung chaithio nouso noin.

⁴⁰Nungtiphe Mosaüh apa tü APAOU nou thoiluttsün Israelhai hau alum chiten.