Read Khiamniungan Naga Haove 30 Bible Online

Haove 30 - Khiamniungan Naga bible

Haove 30

¹Mosaüh Israel mele aheihoi nouso hau ayamhan ajantso kium.

²Tilai khaiunia tsaküh APAOU hau tso tsak kiu-e ta ngiomong shinge tsak shane, tsüdekünai tso tsak ainou soikü noiau shanhlo-e, apaüh meshen athalou-etsün tsülo- theao noin, lüko apaüh chhi-e ta thaloutsün alum chhiao noin.

³Tilai meso tsaküh meshen po tsamai kihkü nai APAOU hau tso tsak kiu-e ta thalou-e, tsüdekünai tso tsak ainou soikü noiau thalou-e,

⁴apaüh meshen athalo alum chhiao noin naiuso ngiomong shingetsün meshen poüh lulakü lüko ti alolao tsünoikü naito nung alum chhiao noin.

⁵Lüko tilai apa poüh lula küta nung ngiomong shinge nou thawao iau tsümongchio-e, apaüh nung kankeiao pokü tsünoi. APAOU nou meso hau wankiu-e, tiautenai apa poüh nung taiu-iao tsümongchio.

⁶Meikü tsüthalukü tsamsigoh tsü- yangkün menyiu tsaküh ngiomong shinge tsak shan nai, tsüdekünai tso tsak ko soikü noiao thalounai, küta apa tsamsigoh yang nai,

⁷nung thaiutha apa tsammongpoüh lulakü lüko tsümongchiokü ti tsünoinai, apaüh ngiomong shinge naiuso athaloe shantaiutsün alum chhiao noin.

⁸Lüko apa tsammongpoüh nung thaiutha lulakü apa ngiomong shinge taiutsün thawao-iao lolao naito, apaüh nung athalou-etsün taiuao pokü tsünoi, APAOU nou apa hau wankiu-e.

⁹Jiihi tsüdekünai akomantsün menyiu tsaküh ngiomong shinge naiuso athalou-e alum ko nou soikü noiao shantsün kankeiaolu noin.

¹⁰Tsamsigoh yangkü noitsün menyiu tsaküh tso tsak ainou soikü noiao ngiomong shinge tsüdekünai athalou-e shan nai,

¹¹apa tsam- mongpoüh nung thaiutha lulakü tsümongchio ta tsüngio kün lektso to apaüh thaloutsün naiuso ngiomong shinge shantsün alum chhiao noin.

¹²Lüko apa tsammongpoüh nung thaiutha lulatsün taoko nung thawao-iao tsümongchio ta ngio naito, apaüh nung kankeiao pokü tsünoi. APAOU nou apa hau wankiu-e, tiautenai apa tsammongpoüh apa ngiomong shinge taiutsün ainou lolao.

¹³Apa tsammongpoüh nung lo- mongau tsüdekünai lolaoau ngio- mong shinge tsüdekünai athalou-e ti lünou apaüh shantaiutsün lolaoau oukong noin.

¹⁴Lüko apa tsam- mongpoüh apa ngiomong shinge shantsün lulakü ajekhaiu tsak ti ngio tsüngiokü yanani naito, apaüh ti ngiomong shinge tsüdekünai atha- lou-e noin nung alum chhiao noin. Apaüh alulatsün ajekhaiu ko nai ti ngio tsüngio nung tsangkü apa ngio- mong shinge lomongkiuji.

¹⁵Lüko apaüh atao intso yanani küta nung ngiomong shinge nou lolaowan naito, nung ngiomong shinge thawao-iao ashio tsüeptsün thaiutha apa chhi nai apaüh thsale nou kanao noin.

¹⁶Tsamsigoh yangkü noitsün menyiu tsak, tsüdekünai tsamsigoh tsüyangkü meshen po tsamai kihtsün menyiu tsaküh ngiomong shinge shantsün thaiutha ko APAOU nou Mosa hau kiutsün ngiokhem yam nouso nungso noin.