Read Khiamniungan Naga Haove 31 Bible Online

Haove 31 - Khiamniungan Naga bible

Haove 31

²“Midia haiüh Israelhai tü ti chhin nung thaiutha ni ngüso tü phaosan lüshan. Nung chhikütün phiai ni eane.”

³Nungtiphe Mosaüh khaiuniahoi nouso tü ngiom, “Ngüsoüh APAOU tü ti chhin, nung thaiutha asamüh Midiahai komhekü ngüso phaosanao asam ehli ao lükhemlo.

⁴Israel kau pungkü ainou ehli ao pohai mepem heng tsak tsak ahong.”

⁵Nungtiphe kau pungkü ainou khaiunia mepem heng tsak tsak chosan, apem kamko nai mepem heng chekü nime ngüso ehliao khemlokü taiu.

⁶Nungtiphe Mosaüh ngüso meson Eleazar thso nou Phinehas sauüh amkham tsam jengtsaiu nouso naiuso ii hanao thaiutha poipoi nouso chiai paotsangao noiküla apa ngiokhem ko ngüso ehli hong.

⁷APAOU nou Mosa tü thoiluttsünli ngüsoüh Midiahai koman, küta pohai apem loatkü wan,

⁸nungko Midiahai nokpao pungo: Evi, Rekem, Zur, Hur, naiuso Reba ngüso hakü loatan. Ngüsoüh Peor thso Balam lüko loatan.

⁹Israel haiüh Midiahai menyiuhoi, methsohoi, thalo, naiuso janghoi, onnemokhoi, naiuso jengtsaiu apem kamhean,

¹⁰naiuso ngüso noknio nouso naiuso nok nouso apem in nou jekthiowan.

¹¹Ngüsoüh aketaiutsün khaiuniahoi, thainianhoi, naiuso jengtsaiu apem kamhe,

¹²küta Yeriko ainou Yordan yankü Moab tsamei nai asaothang ko noitsün Israel hoikam, Eleazar naiuso Mosa dongai ngüso kankü shin.

¹³Mosa naiuso Eleazar, naiuso amao hoikam ahei nouso apem süpaihoi ko pheteau asaothang nai khu.

¹⁴Ehli ainou laokü yatsünso ahoi, ahoi, tsom khaiuko aheihoi, si asonghoi nouso tü Mosa mongmatkü noiküla.

¹⁵Apaüh ngüso tü sangkü ngiom, “Tiauta asamüh menyiuhoi apem aa poikü taiuwan?

¹⁶Balamüh ayam hantsün tü hoiluttsün naiuso Peor nai khaiuniahoi nou APAOU tü mong tsülamkü nialokü khutsün nung menyiuhoi nou noiküla ta lüyangsan. APAOU khaiuniahoi khako imkia kankü shitsün nung noiküla.

¹⁷Nungtiphe lo melothso naiuso menyiuthsohoi apem sauhai shesinyih emetsün chhi nou chhiankü noin nungso apem lüloat;

¹⁸lüko asangting menyiuthsohoi naiuso menyiuhoi asam thaiutha hau aa poikü lütaiu.

¹⁹Asam sauhaiüh khaiunia loatkü noin naiuso meadang nou tü than tankü noin nungso ajekhaiu chinyatnyi thaiutha bechiai noi-ela. Samnyi nouko naiuso chinyatnyi nouko asam naiuso asamüh thalotsün menyiuhoi lülosiolo.

²⁰Asamüh loüh neshe apem, nyihkhun nou shantsün apem, wonkoi nou shantsün jengtsaiu, tsüdekünai pai nou shantsün jengtsaiu, apem lülosiolo.”

²¹Meson Eleazarüh ehli ainou laokü yashitsün khaiuniahoi tü ngiom, “APAOU nou Mosa hau kiutaiutsün nung ngiokhem yam nouso noin.

²²Acheteao tsüshiokün nungtin jengtsaiu: chaiou lakkeng, tangkason taoson lung son, sonkhiu, tsüdekünai akap nouso to in tha nai sakkü theküta losioao noin. Amao jengtsaiu nouso to khiam nou tsaowantsün tsangkü alosio chhi ao noin.

²³

²⁴Chinyatnyi nouko asamüh asam neshe nouso phetanela, nungphiai asam amkham yamko yanthsüokü noi-e naiuso asaothang nai napao ayam sopkiu-e.”

²⁵APAOU nou Mosa tü ngiom,

²⁶“Ni naiuso Eleazar, amao hoikam aheihoi ko hakü athalotsün jengtsaiu nouso naiuso aketaiuhoi naiuso thainianhoi nouso hakü alum ta veluao noin.

²⁷Tilüsong jengtsaiu thalokü noin, nung haoson nime hau thekü wekü lüjanthat, haoson tsak nou süpaihoi hau, naiuso amao haoson tsak nou hoikam hau ta lüjanthat.

²⁸Süpaihoi haoson ainou, APAOU thaiutha ake- taiuhoi tsom 500, nouko tsak liukim lülo, naiuso nunglilu janghoi, gadohoi, onnemokhoi, naiuso wonhoi ta lülo.

²⁹Nungso APAOU hau amothi chaithio tsakli meson Eleazar hau lükiu.

³⁰Khaiuniahoi hau kiutsün haoson ainou aketaiutsün khaiuniahoi aopungo pungkü nouko tsak, naiuso nung tsoithat lilu janghoi, gadohoi, onnemokhoi, naiuso wonhoi nouso ainou ta nungso sauhai APAOU Nejenkhio khako APAOU noin nung Levihoi hau lükiu.”

³¹Mosa naiuso Eleazar neüh APAOU nou ngüne tü ti thoilut nung chhikü noiküla.

³²Süpaihoi nou ngüsoüh theao lotsün khengai, athalotsün jengtsaiu nouso lingsan künai nungti noin: Onnemok naiuso wonhoi=675, 000, janghoi=72, 000, gado=61, 000, naiuso menyiu asangting nouso=32, 000.

³³

³⁴

³⁵

³⁶Süpaihoi haoson jansantsün nungti=337, 500, onnemok naiuso won hoi nouko=675, nou APAOU hau liukim noiküla, 36, 000 jangtso nou süpaihoi thaiutha noiküla. Nungko 72, nouso APAOU hau liukim noiküla, gado=30, 500 nung süpaihoi haoson, nungko nou gado=61, nung APAOU hau liukim noiküla, naiuso asangting mesohoi=16, 000 nung süpaihoi haoson noiküla, nungko nou 32, nung APAOU hau liukim noiküla.

³⁷

³⁸

³⁹

⁴⁰

⁴¹Nungtiphe Mosaüh APAOU hau liukim nou amothi chaithio tsakli kiu.

⁴²Hoikam thaiutha janthattsün haoson nou süpaihoi hau jankiutsün lilu noiküla: Onnemok naiuso wonhoi=337, 500, jangtso=36, 000, gadohoi=30, 500, naiuso asangting menyiuhoi=16, 000 noiküla.

⁴³

⁴⁴

⁴⁵

⁴⁶

⁴⁷Nung haoson ainou Mosaüh aketaiuhoi naiuso thainianhoi aopungo pungkü ainou tsak loküta APAOU Nejenkhio khako paotsangtsün Levihoi sauhai noin ngüso hau kiu.

⁴⁸Nungai süpai ahei asonghoi nouso Mosa dongai khu

⁴⁹küta nung ngiongem chitekü ngiom, “APAOU, samüh sam ahei khemko süpaihoi nouso ta welu-iu, naiuso ngüso tsak- tso tsümowan.

⁵⁰Nungtiphe samüh sam khaiunia pungkü nou lotsün chaiou lakkeng daosilak, khiap nouso, kongwoi nouso, khiapthso nouso, nuodao nouso, naiuso lak nouso kankü shiji. Apaüh sam kipsanao thaiutha sam aa liko amai tsakli nungso samüh APAOU hau chaithio kiuji.”

⁵¹Mosa naiuso Eleazar neüh nung daosilak ao iulakü noitsün chaiou lakkeng nouso lo.

⁵²Asonghoi nou kiutsün apem kamko that nai, tsoi tsom nime thashimkü noiküla

⁵³sauhai asonghoi tsüde, ngüsoüh jengtsaiu janthat lotsün tsükiuhakü taiuwan.

⁵⁴Nungtiphe APAOU nou Israelhai kipsanao thaiutha Mosa si Eleazar neüh nung chaiou lakkeng loküta Nejenkhio nai kankü shin.