Read Khiamniungan Naga Haove 33 Bible Online

Haove 33 - Khiamniungan Naga bible

Haove 33

¹Mosa naiuso Aron neüh niakü Israelhai Ijip goumchi wankü khu nai, ngüso athang athang nai shaman shamankü khutsün ngiolat nungti noin:

²APAOU nou thoiluttsün ko, Mosaüh Israel haiüh asaothang atao pungkü shantsün athang nian nouso satkü noiküla.

³Israelhai Ijip goumchi ainou tsalokü khutsün nung chongting alei ajekhaiu ve chekü pungonyi, chong- ting Aasan sümai ajekhaiu tü thankü noiküla. APAOU nou hükü ngüso Rames noknio ainou Ijip haiüh epkü tsalo,

⁴nungai APAOU nou loattsün melothso yamchong nouso khanan taoko noiküla. Nung chhisiya tsang- kü APAOU nou Ijip hai goa oukong ko naito Apa oukongthso noin ta han.

⁵Israelhai Rames ainou tsalokü khuküta Sukot nai asaothang shan.

⁶Nungthanko ngüso asaothang nou singtso goh thun Etham nai shan.

⁷Nung ainou ngüso Baal Zefon tü ajepek nai Pi Hahirod ai laokü shi, küta Migdol shimkü asaothang shan.

⁸Ngüso Pi Hahirod wanküta Aseng Khiamnok yankü Shur singtso goh mongai napkü khu, nungko ngüso ajekhaiu samnyi tsakei küta ngüsoüh Mara nai asaothang shan.

⁹Nung ainou ngüso saotsün Elim athang ai khu, tiautenai nungai haiungan chekü nime naiuso mepai aochinyat samkü noiküla.

¹⁰Ngüso Elim wankü khuküta Suez khiamjet shimkü shaman.

¹¹Nungthan ko ngüso saothang nou Sin singtso goh nai noiküla.

¹²Nungthan ko ngüso Dopka nai shaman,

¹³naiuso nungthan ko Alus nai shaman.

¹⁴Nung thanko Refidim nai, tiko ngüso thaiutha khiam ashiu ao tsünoiküla nungko shaman.

¹⁵Refidim ainou Hor King ai ngüsoüh asaothang nung athang nouso ko shan: Sinai singtso goh nai, Kibrot Hatava, athat, (Achinektsün Eetam) nungko, Hazerod nai, Ritma nai, Rimon Perez nai, Libna nai, Risa nai, Kehelatha nai, Shefer King nai, Harada nai, Makhelot nai, Tahat nai, Tera nai, Mitka nai, Hasmona nai, Moserot nai, Bene Jaakan nai, Hor Hagidgad nai, Jothatha nai, Abrona nai, Eziongeber nai, Zin liutsa nai (Nung Kades nai) naiuso Hor King nai, Edom goumchi athum nai noiküla.

³⁸APAOU nou thoiluttsün ko meson Aron Hor King ai sungh. Israel haiüh Ijip goumchi wankü khuküta pon aopüle, alei pungo ajekhaiu ve ayalonyi nouko Aron achetpon 123 ngoitsün taoko Hor King ai ean.

⁴⁰Ajepekki nai noitsün Arod nokpaoüh Israelhai shitsün lula.

⁴¹Hor King ainou Moab tsamei saokü Israel haiüh nung athang nouso ko ngüso saothang shan: Zalmana nai, Punon nai, Obad nai, Moab goh ai, Abarim lotheantsün thang nai, Dibon nai, Gad nai, Almon Diplathaim nai, Nebo King shimkü Abarim King nouso ko, naiuso Yeriko ainou Yordan Haiu yankü Moab tsami nouso nai, (nung Bet Jeshimot naiuso Akacia tsamei jetko.)

⁵⁰Yeriko ainou Yordan yankü Moab tsamei nai APAOU nou Mosa hau

⁵¹Israelhai thaiutha ayamhan nouso kium: “Tilai asam Yordan yanküta Kanan goumchi ai nappe,

⁵²asamüh nung goumchi ko kihtsünso apem komanao noin. Ngüso ün lung naiuso son goa sotsom nouso naiuso amkham thang apem lülothean.

⁵³Nung goh nou lüthalo, küta nungko lükih, tiautenai nung ngo asam hau kiuji.

⁵⁴Goh nou kau naiuso pothso nouko phongdetsün tsangkü lüjanthat, haoson asong nou kau asong hau lükiu, naiuso ehen nou kau ehen hau lükiu.

⁵⁵Lüko asamüh nungko kihtsünso tsükom- ankü naito, apoitaiu nouso asam niovei nai satpho napkü angja- kiutsünli noi-e, naiuso asam tsoki nai tsaoüh laptsünli noi-e, naiuso ngüso asam thako nokmei tsünoi-e.

⁵⁶Asamüh ngüso tsükomankü naito, ngo ngüso lomoau yangtaiutsünli ngo asam lomo-e.”