Read Khiamniungan Naga Haove 7 Bible Online

Haove 7 - Khiamniungan Naga bible

Haove 7

¹APAOU noitsün Nejenkhio lahtsün Mosaüh khemkü shi nou ajekhaiu nai, apaüh Nejenkhio naiuso nung shantsün jengtsaiu nouso, amthang shantsün jengtsaiu nouso tsomkiukü losio.

²Nungai Israel mele aheihoi naiuso kau ongko ateng nouso khaiunia sauhai vetaoling haove nai hakü noiküla nung khaiunia nousolu,

³nou ahok püle potsün tsamkei naiuso jangtsopong chekü nime, ahei nime pungkü thaiutha tsamkei tsak tsak naiuso ahei pungkü hau jangtsopong tsak tsak ta APAOU dongai ngüso chaithio nouso kankü shin.Ngüsoüh nungso kiukütün phiai,

⁴APAOU nou Mosa tü ngiom,

⁵Nung paopei nouso Nejenkhio lah ao thaiutha chhisiya nai kankeiao lülo, naiuso nung Levihai hau khaiunia pungkü momo chhi ngüso hau lükiu.

⁶Nungtiphe Mosaüh tsamkei, naiuso jangtsopong nouso Levihai hau kiuwan.

⁷Apaüh Gershon thsoso hau tsamkei nime naiuso jangtsopong püle kiu,

⁸naiuso Merari thsoso hau tsamkei püle naiuso jangtsopong petjei kiu.Ngüso chhi apem Aron thso Itamar ayamhan tsangkü chhiao noiküla.

⁹Lüko Kohat thsoso hau to Mosaüh tsamkei si jangtsopong titso tsükiu, tiautenai amkham Nejenkhio ngüsoüh paotsangkü shitsün nung ngüso sangdongkhaiu nai pilokü khuau noiküla.

¹⁰Ahei nousoüh lüko amthang losio shantsün nai chaithio nouso kankü shin.Tilai ngüso paopei nouso ngüsoüh amthang nai kiuao khemlokü noiküla,

¹¹APAOU nou Mosa tü ngiom, “Ajekhaiu chekü nime nouko ajekhaiu pungkü ahei tsaküh apa paopei nouso amthang losioao thaiutha kiuao noin ta ngüso hau lüchite.”

¹²Ngüsoüh ngüso chaithio nouso nungti ayam nai lingkü kiu: [Ajekhaiu] — [Mele] — [Ahei] Aya nyi — Yihuda — Aminadab thso Nashon Nenyi — Isakar — Zuar thso Nethanel Samnyi — Zebulun — Helon thso Eliab Pülenyi — Reuben — Shedeur thso Elizur Pungonyi — Simeon — Zurishadai thso Shelu- miel Louknyi — Gad — Deuel thso Eliasap Chinyatnyi — Efraim — Amihud thso Elishama Petjeinyi — Maanase — Pedazur thso Gamaliel Lükaonyi — Benjamin — Gideoni thso Abidan Chenyi — Dan — Amishadai thso Ahiezer Chekü tsak — Asher — Okran thso Pagiel Chekü nime — Napthali — Enan thso Ahira Ngüso apem pungkü nou kankü shitsün chaithio nouso tongtü wekü wao-ekü noiküla: tangkason nou saitsün chio tsak tsoi 1:5 lethsangkü naiuso tangkason noulu saitsün chiokaoh alethsang nou 800 gram, ta nung apin tsoithat tsangkü nai noiküla. Nung chio nemtso chih- sikhiam chaithio thaiutha khaiutsom nouko wonne thumkü laowekü noiküla; chaiou lakkeng nou sa(...)

⁸⁴Ahei chekü nime tsangkü amthang losioau chaithio kankü shitsün apem kamko nai nungti noiküla.Tangkason nou saitsün chio nouso chekü nime, loüh tangkason noulu saitsün chiokaoh chekü nime tsoi that nai 27:6 lethsangkü noiküla. Angan nyamtsün nou meankü chaiou lakkeng nou saitsün chio asong nouso chekü nime, tsoithat nai 1:32 lethsangkü noiküla - ajahtsün chaithio thaiutha jangtsopong chekü nime, onnemokpong chekü nime, naiuso onnemoktso pon tsak shelokü nou chekü nime nung eheshiu chaithioko hakü kankü noiküla, -angei chaithio thaiutha won chekü nime, -aalo chaithio thaiutha jangtsopong eknimekü püle, onnemokpong aolouk, won aolouk, onnemoktso pon tsak shelokü nou aolouk.

⁸⁹Tilai Mosa Nejenkhio nai APAOU ko chiteau thaiutha napkü noiküla, Athalou-e Paidan kap chinai akoi nime potsün thainian nime jetko apaüh APAOU nou apako chitetsün lula.