Read Khiamniungan Naga Haove 9 Bible Online

Haove 9 - Khiamniungan Naga bible

Haove 9

¹Israelhai Ijip goumchi ainou khushiküta, pon nime ajekhaiu ve ayating nouko, Sinai liutsa nai APAOU Mosa ko chite. Apaüh ngiom,

²“Nung ali ajekhaiu cheküpungonyi nouko, ajenap taoko yalokü, Israelhai apemüh asaita ngiokhemlikankeikü khuau thaiutha sat kütaiutsünli Aasan ajekhaiu noumongkü yangsankü taiuao noin.”

⁴Nungtiphe Mosaüh khaiuniahoi noutü Aasan ajekhaiu nou mongkü kankei au chite,

⁵küta aya alei ajekhaiu chekü pülenyi nouko asham yalokü Israel haiüh Sinai liutsa nai angiotsünli chhin. APAOU nou Mosa tü thoiluttsünli Israel haiüh alum chhisiyakü noiküla.

⁶Lüko nungko khaiunia ajantso ngüsoüh mea noutü thantan nou shioko amkham yamko tsüyanthsüo- kü noiküla, naiuso ngüsoüh nung ajekhaiu ko Aasan ajekhaiu yang- santsün chhisiya nai haao tsüshiokü noiküla. Ngüso Mosa si Aron ne dongai khukü ngiom,

⁷“Samüh mea noutü thantan nou shioko tsüyan- thsüokü noin, lüko Israel haiüh APAOU khako chaithio kiutsün ainou sam tiauta jansankü wane?”

⁸Mosaüh thalakü ngiom, “Ngo APAOU ainou ayamhan moepkün lektso ataiu.”

⁹APAOU nou Mosa tü

¹⁰Israelhai tü ngioau chite, “Tilai asam ajantso tsüdekünai athsaosithsoso ajantsoüh mea tü thantan shioko tsüyan- thsüokü iula-e, tsüdekünai süme laiukü nai iuwankü noi-e, lüko Aasan Ajekhaiu nou yangsankü kankeiao aiu-e,

¹¹ni ngüso tü alei tsak phiai ajekhaiu chekü püle asham alei nime noutü nung yangsanikü ayam hanao shio-e. Ngüsoüh nung phoplao tsüthiokün themtsai naiuso akhosak jengtsaiu nouko hakü heao noin.”

¹²Nungthan nyap saokü thaiutha chihsikhiam ti lapoishi naiuso thainian ou titso lalongek. Aasan sümai don yam apem khekkü nung kankeiau noin.

¹³Lüko khaiunia ajantso sauhai amkham yamko yanthsüokü naiuso süme laiukü ai khukü tsünoi, lüko nung Aasan sümai tsüyangsanha, apato laitso jü khaiunia tsak ta tsüvesanha shi-e, tiautenai apaüh Ngo atao thatkiu taiutsünko nai chaithio tsükiuha. Apa meshen angei mai angja ao noin.

¹⁴“Melemaohai tsak asam ongko kihakü nung Aasan Sümai kankeihaao aiunai, apaüh don yam nai ngiokhem hantsün apem tsangkü naiuso mongkü kankeihaao noin. Paopung si melemaohai pungkü tü nung donyam ngiokhem wekülu kankei-e.”

¹⁵APAOU noitsün Nejenkhio shatsün ajekhaiu nai thengmia tsak shikü nung loijei. Asoh nung thengmia nou In khekkü noiküla.

¹⁷Titaoko nung thengmia loijeitsün khuwane, Israel haiüh ngüso saothang Nejenkhio laopeng, küta tilai nung thengmia saokü noi-e, nungai ngüsoüh nejenkhio asao- thang nou nung thangko laloshikü noiküla.

¹⁸Khaiuniahoi nou ngüso saothang nejenkhio APAOU athoilut- tsün tsangkü laopeng, naiuso apa athoilut tsangkülu ngüsoüh asao- thang nejenkhio nou lahshanshi. Amkham Nejenkhio khütha nai thengmia noi nou lektso ngüso nung asaothang noukolu noi.

¹⁹Tilai thengmia nou Amkham Nejenkhio khütha nai atao laiukü sojeikü noi-e, ngüsoüh APAOU tü angio angkü noi, naiuso nung ainou soikü tsükhu.

²⁰Atao jamjam to thengmia nou Amkham Nejenkhio khütha nai ajekhaiu thsaothsaokü thaiuthalu noi, aküo likü nai, ngüso asaothang nouko noi tsüdekünai soian, nung APAOU athoiluttsün tsangkü noiküla.

²¹Atao jamjam to thengmia nou asham ainou ahom saokülu tsüsoiankü noi, küta tilai thengmia nou soian, nungailu ngüso lüko soian. Tilai thengmia nou khuwane, ngüso soisoikü noiküla.

²²Ajekhaiu nenyi lüko, alei tsak lüko, pon tsak lüko, tsüdekünai nungtü laiukü lüko ti lektso Amkham Nejenkhio khütha nai thengmia noi-e, ngüso nung ainou tsüsoilükhun, lüko tilai nung soian-e, ngüso lüko asaothang nou soian.

²³Ngüsoüh Mosa tsangkü APAOU nou thoiluttsün nai asaothang nou angio angkü laopeng naiuso lahshanshi.