Read Khiamniungan Naga Nahum 2 Bible Online

Nahum 2 - Khiamniungan Naga bible

Nahum 2

¹Nineve hai, ni eh phamong nai napaniu! Ni thiopekkü wanau nou oukong shi-aniu. Ehü nou lühü-i; yam nou tü jiokü lünoi küta ehli au lükhemlou!

²(Ehoi nousoüh mokamhe-ankün khako Israel hai da ajinka noikü shitsün APAOU nou kiushi-e.)

³Ehoi süpai nouso shikhao aseng semkü naiuso aseng sheitho jeiaikü thokü noin. Ngüso apo-au khemlouji! Ngüso ün ehli tsamkei nouso laplapkü ouji! Naiuso ngüso mokthsoso lohekkü hamji!

⁴Ehli tsamkei nouso sonyam nai khaolaokü khuji, noknio kengpun nai ngüso akhu ashi ta tsakeiji, nungso tsonthip jetsün khekkü ouji.

⁵Asonghoi nouso jonkamkü khaai thoi-ekü khunai, ngüso khi-elatji. Akomtsünso dioai dongai khaolaokü khuji, naiuso nung thiopek au shhi nouso nyulutji

⁶Haiusai nai noitsün bekhan nouso sopsatnai, nokpao tsam ahat nou miankü iula.

⁷Nokpao tsammongnyiu sua au thaloukü khuwaniu; apa tsamkiso mükham khekkü ngetji, naiuso mongsaiukü ngüso kongai lalouji.

⁸Kiapkü taiutsün khiamla paishikü khiam khuwantsün khekkü, Nineve ainou khaiuniahoi she-ekü shikhuji! Ngüsoüh “Lakhu! Lakhu!” ta wekü ngio lüko sau laokü tsüshi.

⁹Tangkason nou lükamshi! Chaiou lakkeng nou lükamshi! Tiautenai nung noknio chaiou jengtsaiu nou miankü noin!

¹⁰Nineve lotheaniu naiuso le-aniu, nungh akeng iula-iu! Ahat nou ngüso mong meaniu; singkao nou ngaongaoji, oukong nou khuwaniu, naiuso kha nouso engjekü iula-iu.

¹¹Chongkhao ehen nouso tsadtsün, chongkhao apong si asang nouso tsakeitsün, naiuso khaothso nouso aaloutsün thang tsak khekkü noitsün noknio nou lo tiai noin?

¹²Chongkhao nou apa eheshiu homat heji, küta anyiu si athso nouso hau nung nelangkü chipektsün nyih nou apa ken mianji.

¹³“Ngo a-eh noin!” “Ngo ni nou ehli tsamkei nouso jathiowane. Ni nou süpaihoiso ehli nai loatkü wane, naiuso ni amaohai ainou lotaiutsün alum ngo kankü khuwane. Loto angio kantsünso ngiongem tilaitso tsülulashi-e ta APAOU Akongting nou ngioji.”