Read Khiamniungan Naga Hagai 2 Bible Online

Hagai 2 - Khiamniungan Naga bible

Hagai 2

¹Nungpon kolu, alei chinyat nou da ajekhaiu kheikü tsak nyi nouko nai APAOU ngiongem E-po Hagai tsangkü shishin.

²Apaüh Hagai tü Yihuda hai nokshingpaou Zerubabel si Akhengting meson Yihusua, naiuso khaiuniahoi nouso tü nungti chiteau ngiom:

³“Asam ongko Amkham Tsam nung titi alengmeikü noiküla, nung yang- sanshiau shiotsün ajantso noimo? Lo asamüh nung titi thapsanji? Nung asam khako titso tsüdekütso-e.

⁴Lüko lo asam saulünou monghenkü lanoi, chhi nou lüchhi, tititenai ngo asam ko hakü noin.

⁵Tilai asam Ijip ainou shikhukü noiküla, ngo asamko asaita hakü noi-e ta thaloutsünli, losaokü asamko hakü noin, nungtiphe hatkü lanoi.

⁶“Atao laiukü tsünoikü ngo aün, goum, naiuso khiamnok saiusaiu-e.

⁷Ngo mele chikü lomowane, naiuso ngüso chaiou jengtsaiu nouso kankü shi-e, naiuso Amkham Tsam nou chaiou nou miane.

⁸Tangkason naiuso chaiou lakkeng goumchi ko noitsün apem ngü nou noin.

⁹Amkham Tsam ayan nou to akeng amkham tsam nou tü tekkü meijeng noi-e, naiuso ngo nungko jü khaiuniaso hau atsüomei naiuso aalou nou kiu-e,” ta APAOU Apemshiotsün nou ngiowaniu.

¹⁰Darius nokpao nepon nouko, alei lükao ajekhaiu kheikü pülenyi nouko nai APAOU Apemshiotsün nou Hagai E-po ko müjam chite

¹¹kü ngiom, “Meson nouso tü ngiokhem thaiutha lo nung ngiosang tsak lüsang:

¹²Athatlunai, khaiunia ajantsoüh aloat chaithio losiokü taiutsün ainou nyitham tsak lokü apa phakhut alaiu nou sojeikü kankü khunai, nung phakhut nou themtsai ajantso, thengkü taiutsün chih, theng, olip khiam, tsüdekünai eheshiu in diodio tü than nai, nungh eheshiu lüko losiokü iula au shio-emo?” Tilai nung ngiosang nou sangh, meson nousoüh “tsüshio-e” ta thala.

¹³Nungaih E-po Hagaiüh sang- shin, “Athatlunai, khaiunia tsaküh meadang nou tü thantan nou shioko apa longei-an. Naiuso apaüh nung chih nou tü than nai, nungüh chih lüko longei-emo?” Meson nousoüh thalan, “Nung longeiji.”

¹⁴Nungaih Hagaiüh ngiom, “Nung mele khaiunia nouso naiuso ngüsoüh chhisantsün alum tü nung yamko nai wekülu kankei-e. Nung tsangkü ngüsoüh amthang nai kiutsün chaithio nouso longeiji ta APAOU nou ngioji.”

¹⁵APAOU nou ngioji, “Asam tü thawaokü shitsün asamüh epau tsüshioso? Amkham Tsam lahshiau asam motsaloukün khako,

¹⁶asamüh khülam tsoi tsom nime epau thaiutha yangkü khu, lüko nungko tsoi tsom tsaklu ep. Asamüh theng liter tsom tsak epau ayang nai khu, lüko nungko theng liter aopüle lu ep.

¹⁷Asamüh eiu ai asanau kowetsün alum lotheau ngo ahsheih ajekting, naiuso san nou hong, nungti lüko asam mong tsüphokle.

¹⁸Lonyi alei lükao ajekhaiu kheikü pülenyi nouko Amkham Tsam athanya khemloutsün ajekhaiu noin. Lonyi ko yakü ti thawao-e nung athap.

¹⁹Nungko khülam titso tsüpoishi lüko, naiuso sainao nouso, phiu pai nouso, sasasheppai nouso, naiuso olip pai nouso da eiu nou mo-eiu külüko lo ainou yakü ngo asam ouk kiu-e.”

²⁰Nung alei kolu, ajekhaiu kheikü püle nouko nai APAOU nou Hagai hau,

²¹Yihuda hai nokshingpaou Zerubabel thaiutha ngiongem müjam nou kiushin. “Ngo aün naiuso goum saiusaiuao noin,

²²naiuso nokshing nouso lomowanküta ngüso oukong lothonane. Ngo ngüsoün ehli tsamkei nouso naiuso nung niakeitsünso wi-ani-e; nungko mokthso nouso eane, naiuso nung chiai moknoitsün tsaküh tsak loate-e.

²³Nung ajekhaiu ko ngü yathsüotsün Zerubabel, ngü loue, naiuso ngo ni jünianko nokshing shingi-au chosane. Nung ngo chosantsün tsak nou ni noin,” ta APAOU Apemshiotsün nou ngiowaniu.