Read Khiamniungan Naga Zekaria 4 Bible Online

Zekaria 4 - Khiamniungan Naga bible

Zekaria 4

¹Ngü ko chitekü shitsün aünhong nou müjam shikü ngü asaila ainouli lothsümon.

²Apaüh sangh, “Ni ti epji?” Ngü thalan, “Chaiou lakkeng noulu shankü tson taiutsün tsak epji.” “Nungh chiai khaiutsom thiotsün chio tsak. Tson taiutsün chiai tson chinyat, nungh tson tsak tsak pungkü thaiutha yaptson- chinyat.

³Nungh tson taiutsün dongko Olip-pai nime, etsak ai tsak naiuso etsak ai tsak ta noiküla.”

⁴Nungaih ngü hong tü sangkü ngiom, “APAOU, nungso ti athat thaiutha noin?”

⁵Apaüh ngü tü sangh, “Ni nung tsünge so?” Ngü thalakü ngiom, “APAOU, ngü tsünge”

¹⁰Hong nou ngü tü ngiom, “Tson chinyat nouso nung goumchi apemai eptsün APAOU niovei chinyat nouso noin.”

¹¹Nungaih ngü apa tü sangh, “Tson taiutsün e-nemtso ai olip pai nime noitsün nung ti athat?

¹²Naiuso olip khiam tsangitsün chaiou lakkeng jiu nime olip paikea nime dongko noitsün nung ti athat?”

¹³Apaüh ngü tü sangh, “Ni nung tsüngeso?” Ngo thalan, “APAOU, ngü tsünge,”

¹⁴Nungaih apaüh ngiom, “Nung goumchi athum APAOU nou Apa yathsüoau Goa nou tsomkiukü chosantsün khaiunia nime nou noin.” Goa Nou Zerubabel Tü Thala Hong nou ngü tü nung APAOU ainou ngiongem Zerubabel hau kiuau ngiom: “Süpai oukong tsangkü nou tsüde, tsüdekünai a-oukong tsangkü nou tsüde, lüko Jü Onthso tsangkülu ni ashio eppe. Ni king nousoli songkü nou kiapjei lüko akhako nung mowane. Ni Amkham Tsam nou shanshi-e, naiuso ni athonting lung sanlut nai, khaiunia hoi nou, ‘Alengmei, alengmei!’” ta sangh asong nou we-e. Loüh APAOU ainou jüdongai ngiongem tsak shin. Apaüh ngiom, “Zerubabelüh nung Amkham Tsam athanya ya-iu, naiuso nung lahtsün apaüh lothone. Tilai nung thawao-e, Jü khaiuniasoüh ngüso dongai ni hongshitsün nung Ngü noin ta nge-e. Chhisiya nou kha ai tsükhu nou shiko ngüso lekkat, lüko ngüsoüh Zerubabel nung Amkham Tsam lahtsün tsülaokü eppe, naiuso ngüso nungko monglingat-e. Nungaih ngü thalakü ngiom, “APAOU, ngü tsünge.”