Read Khiamniungan Naga Zekaria 5 Bible Online

Zekaria 5 - Khiamniungan Naga bible

Zekaria 5

¹Loüh ngü thapsan nai, maou nai thsamlai tsak jeikü yanlükhuntsün ep.

²Ngü ti epküla ta hong nou ngü tü sangh, nungaih ngü thalan, “Thsamlai tsak atheng nai ak-e lükao apun nai ak-e püle küta ayantso maou nai jeikeitsün ngü ep.”

³Nungaih apaüh ngü tü ngiom, “Nunghko goumchi athum chiai pengpun au noitsün athesan satkü noin. Nung thsamlai etsak ai goum- chi ainou kau hai apem louwane; naiuso etsakai lüko ngiomong shingkü sauhaiüh yaang ngio chite nungso louwane ta satkü noiküla.

⁴APAOU Akongting nou ngioji: apaüh nung athesan nou hongkü, nungh kauhoi pungkü, naiuso ngiomong shingkü yaang ngio chitetsünso pungkü tsamai nappe. Nungh athesan ngüso tsamai noiküta ngüso thathekü le-ane.”

⁵Loühjam hong nou shiküta ngiom, “Athaplu! Loüh amao tso tsak shiji!”

⁶Ngü sangh, “Nungh ti in noin?” Apaüh thalan, “Nungh kim tsak noin, naiuso nung kim goumchi apem angei thaiutha tsatsün noin.”

⁷Nung kim son alethsang nou shantsün akap tsak pokü noiküla. Ngü thapkü noitsün ko, nung akap sopan, naiuso nung kim mongko menyiu tsak mokkü noiküla!

⁸Hong nou ngiom, “Nung menyiu tsümeikün liko tsatsün noin.” Nungaih apaüh nung menyiu kim mongai thoithio naiuso akap nou phiai ngao-ikü taiu.

⁹Ngü thapsan nai menyiu nime khiam waio ekuk khekkü ekuk akongting pokü jüdongai jeikü shitsün ep. Nungneüh nung kim loklou küta jeikü khuwan.

¹⁰Ngü hong nou tü sangkü ngiom, “Ngüsoüh nung tiai kankü khuji?”

¹¹Apaüh thalakü ngiom, “Ngüsoüh nung thaiutha Babilon nai amkham tsam tsak lahtsün nai kankü khuji. Tilai nung amkham tsam nou shakheme, nungaih nung kim nou nungko amkhamau taiu-e.”