Read Khiamniungan Naga Mat 19 Bible Online

Mat 19 - Khiamniungan Naga bible

Mat 19

¹Yisuüh nung ngio chitekhem nai, apa Galil wankü Yordan Haiu etsai noitsün Yihuda goumchi ai shin.

²Hoi asongting apa phiai hoilut, naiuso nungai apaüh ngüso lomeikiu.

³Farisihoi ajantso apa dongai shikü, lilukü sang, “Sam ngiokhem nai pohaiüh meshen tsammongnyiu ti thaiutha lünou komanao ayam noin süne?”

⁴Yisuüh thalakü ngiom, “Aya nai ashantsün nou pohai naiuso nyiuhai shan.

⁵Naiuso Goa nou ngiom, ‘Nungshioko pohaiüh meshen posinyiu wane, küta meshen tsammongnyiuko mongkiukü noi-e, naiuso ngüne nemtso nyih tsaklu iula-e ta asamüh asiongio nai velukü tsünoi süne?’

⁶Nungtiphe ngüne loto nime tsüde, lüko nyih tsaklu. Nung Goa nou ti in kamshi-en nung sau khaiuniaüh lapunge-i.”

⁷Farisihoi nou apa tü sang, “Naito apungeao thsam kiuküta lüpunge ta Mosaüh tiau ngiom?”

⁸Yisuüh thashin, “Asam mong kong nou shioko, Mosaüh asam tü meshen tsammongnyiu ko pungeao ngiom, lüko ashantsün taoko nungti tsünoiküla.

⁹Nai ngü asam tü ngioji, sauhaiüh tsütsamtsütsüo mi tsüdekü amao mi nai meshen tsammongnyiu komankü amao tsammongnyiu lou-e, apaüh tsütsamtsütsüokü chhiji.”

¹⁰Sahoi nou apa tü ngiom, “Pohai meshen tsammongnyiu jetko nungti naito, tsamsigoh tsüshan naibao chen.”

¹¹Yisuüh ngüso tü ngiom, “Sauhai hao Goa nou kiukü noin ngüso tü simkü amaohaiüh nung ngio ngelaao tsüshio.

¹²Tiautünai khaiunia nou tsamsigoh tsüyangkü hao yam amomo noin: ajantso achetnai yakü nungti chetkü noin; ajantso to khaiunia nou shan nou noin; naiuso ajantso to aün nokshing thaiutha thumkü kiuwantsün shioko noin. Sauhaiüh nung atsandetsün louao shiom, ngüsoüh nungti lüchhi.”

¹³Nungai apa pha nou thankü oukkiukü misao sao-i-ao thaiutha ehen methsohoi Yisu dongai niakü shin, lüko sahoi nou ngüso tü thut.

¹⁴Lüko Yisuüh ngiom, “Ehen methsohoi jü dongai ashi-i, ngüso lalolao, tiautenai aün nokshing nou nungsoli ün noin.”

¹⁵Apa phaüh ngüso tü thangküta nung ainou apa pungekü khu.

¹⁶Khaiunia tsak apa dongai shikü ngiom, “Atsandetsün, asai aa epao thaiutha ngü ti in amei chhi-e?”

¹⁷Yisuüh thalakü ngiom, “Ti in amei noin nung thaiutha tiau ni ngü tü sangji? Amei nouto Tsaklu noin. Ni aa nai nappao aiu naito ngiokhem nouso lükankei.”

¹⁸Apaüh Yisu tü sang, “Sübao?” Naiuso Yisuüh ngiom, “Ni laluat; Ni tsütsamtsütsüokü lakankei, Ni lakau; Ni atsüotsüdekü mitha lakiu;

¹⁹Apo naiuso anyiu asulühat; naiuso ni apim tsüojintsünli aphaosipo tü lütsüojin,”

²⁰Oum nou apa tü ngiom, “Nung ngiokhem nouso apem ngü kankeikü noin, Ngo loüh ti in nou mosaiukü noin?”

²¹Yisuüh apa tü ngiom, “Ni thapemkü iulaao aiu naito, lükhu, ni taiu nou lüjan küta chai nou angja khaiuniahoi hao lükiu, naiuso aün nai ni memei noi-e; küta shikü jü phiai ohoilut.”

²²Tilai oum nou nung ngio lula, apa mong kiakü khuwan, tiautenai apa jengtsaiu piakü taiutsün khaiunia noiküla.

²³Nai Yisuüh apa sahoiso tü ngiom, “Atsüoting, ngü asam tü ngioji, Memei hai aün nokshing nai nappao thaiutha thatü chekkü noin.

²⁴Loüh ngü asam tü ngioji: Memei hai aün nokshing nai nappao noukoto nyatkhan thsatkü Lon khuaobao shiotso.”

²⁵Tilai sahoi nousoüh nung lula, ngüso thatü ngakü ngiom, “Naito sauhai asanao shio-e?”

²⁶Yisuüh ngüso tü lukü ngiom, “Khaiunia khakoto nung tsüshiokü haoli noin, lüko Goa khakoto alum shioji.”

²⁷Nungai Peterüh thalakü apa tü ngiom, “Athaplu,” “Samüh apem wankü aphiai hoilut. Naito, samüh ti in eppe?”

²⁸Yisuüh ngüso tü ngiom, “Atsüoting, ngü asam tü ngioji, Ayan shantsün Goumchi nai, Khaiunia Thso apa ajinka noikham nai noi-e, nungai asam jü phiai hoiluttsünsoüh Israel kau chekü nime nouso chiai nokshingau noikham chekü nime nouko noi-e.

²⁹Naiuso sauhaiüh tsam lüko, deisinio lüko, nouhai lüko posinyiu lüko, thsohai lüko, liu lüko, jü nian thaiuthako wanan, ngüsoüh tsom pungkü epshi-e, naiuso asai aa tengkam nou eppe.

³⁰Lüko lo chong nouso piakü phi-ao iula-e, naiuso lo phi nouso piakü chongao iula-e.