Read Khiamniungan Naga Mat 3 Bible Online

Mat 3 - Khiamniungan Naga bible

Mat 3

¹Nungtaoko Alimkiutsün Yohan Yihuda liutsa nai shiküta nungti ngiokü chim.

²“Asam mong lüphokle, tiautenai aün nokshing shimkü noin!”

³E-po Isaiaüh “APAOU thaiutha yam nou lükhemlo; apa tsakei ao thaiutha yam lukü lüshan” ta ajantsoüh liutsa nai sang songkü vekü ngiotsün nung Yohan thaiutha noiküla.

⁴Yohan ne ut pon nou, naiuso omthsa ao nyikhun nou shankü the, naiuso apa eheshiu ao jongku si liu-khiam nou noiküla.

⁵Yirusalem naiuso Yihuda ainou naiuso Yordan Haiu lemkü noitsün shingkhannio chikü ainou khaiuniahoi apa dongai shin.

⁶Ngüsoüh ngüso angei awankiu ta sao, naiuso apaüh ngüso Yordan Haiu ai limkiu.

⁷Tilai apaüh Farisi naiuso Sadoki hai piakü apahao limkiu-iao shihakü ep, apaüh ngüso tü ngiom, “Pao thsoso, ashiao nou Goa mongmattsün ainou thakhu-ao shio-e ta asam tü sauüh lotsüo?

⁸Asam angei ainou mong phokle-iu ta epsanao tinkü lüchhi.

⁹Naiuso Abraham asam paosipo ta ngiotsün nou asam angja ainou thakhu-ao shio-e ta layang. Ngo asam tü ngioji, Goa nou nung lung ainou Abraham thsaosithsoso songiao shiokü noin!

¹⁰Pai nouso eiu nai yakü sa-anao ou nou khemkü taim; sübao pai da eiu amei tsü eiu-e nung hean-e naiuso in nai jah-an-e.

¹¹Ngo asam mong phokle-iu ta hanao khiamai limkiuji, lüko sau jü phiai shiji apaüh to asam Asio Onthso naiuso in nai limkiu-e. Apa ngo tü songtso, ngü to apa hokkhut auo soktamkiuao tso tsümai.

¹²Khülam tsoploau in nou apako noin. Apaüh khülam nou apa pei ai kamtaiulo-e, lüko achüo nou to laitso tsünyattsün in nai jah-an-e.”

¹³Nungai Yohan hao limkiu-iao thaiutha Yisu Galil ainou Yordan ai shin.

¹⁴Lüko Yohanüh Yisu lulaoao kowekü ngiom, “Ngübao ni limkiuao noikün, nung külüko ni jü dongai shiji!”

¹⁵Lüko Yisuüh thalakü apa tü ngiom, “Lo aotü nungti athekei. Tititenai nung tsangkülu samüh Goa mongchiotsün chhi-e.” Nungailu Yohanüh ah ta thala.

¹⁶Yisu limkiukü thunkü apa haiu ainou sung. Nai apa hau aün sopkiu, naiuso apaüh Goa Onthso mükhamli saokü apatü hütsün ep.

¹⁷Nai aün ainou sang tsaküh, “Nung Ngü tsüojintsün Thso apa da ngü monglamji.” Ta ngiokü noiküla.