Read Khiamniungan Naga Ngiokhem 16 Bible Online

Ngiokhem 16 - Khiamniungan Naga bible

Ngiokhem 16

¹“Abib alei nouko Aasan Sümai tsangkü APAOU asam Goa lülomsan, nung alei ko sotsü APAOU nou asam Ijip ainou kipsan.

²APAOU asam Goa lomsankü aasan sümai heau thaiutha asam amkhamthang tsak nai khukü asam onnemok tsüdekünai jang tsak lüheat.

³Tilai asamüh nung heshiu-e, phoplao thiokü shantsün themtsai lahe. Tilai asamüh liuliukü Ijip wankü khuwanao noiküla nung taoko heshiutsünli asamüh chinyat- nyi thaiutha phoplao hakü shantsün themtsai lahe.Nung themtsai lühe sübao tü angjatsün themtsai ta jonji. Nungaito asam aa noitsün lektso asamüh nung angja thang Ijip ainou shikhutsün ajekhaiu nou yangsane.

⁴Ajekhaiu chinyatnyi thaiutha asam goumchi ko asam tsamkhaiu nouso ai phoplao intso lüko tsütaiuao noin, naiuso thainian nyih sübao nung chongting ajekhaiu asham loattsün nungso nyihlu heau noin.

⁵“Aasan sümai thaiutha thai- nian nouso amkhamthang tsak nailu lüloat, lüko APAOU asam Goaüh asam hau kiutsün goumchi amao athang ai tiaitso laloat. Nung ajenap taoko tilai asamüh Ijip wankü khu nung taoko lüchhi.

⁷Nyih nou theng küta amkhamthang tsak nailu lühe, küta nungthan ahom tsamai laokü ashi.

⁸Nungthan ajekhaiu luoknyi thaiutha asamüh phoplao tsüthiokün themtsai khemtaiu nou lühe, naiuso chinyatnyi nouko APAOU asam Goa amkhamau akamshi naiuso nung ajekhaiu ko chhisiya titso lachhi.

⁹“Asam be-eiuyam yalotsün atao ainou yalokü anojet chinyat lüwelo,

¹⁰nungthankü APAOU asam Goa apaüh asam hau ouk kiutsün momo ouk likü amongchio chaithio apa dongai kankü shitsün tsangkü apa lomsankü be-eiuyam sümai lümaihe.

¹¹Asam noksong nousoko kihatsün asam thsoso, asam tsamkiso naiuso Levi hai, naiuso melemao nouso, mejetthso nouso, naiuso jihinyiu nou- soko kamkü APAOU khako lümonglinge. Nung chhisiya nou am- kham athang nai lüchhi.

¹²Asamüh nung athoilut nouso angio angkü theau tsangsheikü anoi, naiuso asam Ijip nai sua noiküla nung labean.

¹³“Asam tsoshet phiai naiuso sainaoshep nouso pansankü phiai, Asolotsün sümai ajekhaiu chinyatnyi lüsaohe.

¹⁴Asam thsoso ko, asam tsamkiso ko, Levihoi nouso ko, melemao nouso ko, mejetthso nouso ko, naiuso jihi nouso sauhai asam noksong ko kihakü noin ngüso ko hakü aikü lümonglinge.

¹⁵Am- khamthang nai ajekhaiu chinyatnyi nung sümai maihetsün tsangkü APAOU asam Goa lülomsan. Lümong- ling, tiautenai APAOU nou asam be-eiuyam naiuso asam chhisiya ouk kiu-iu.

¹⁶“Asam sümai taoko, be-eiuyam sümai taoko, naiuso Asolotsün sümai taoko ta pon tsak ko samjam asam goumchi ko noitsün melohoi apem amkhamthang nai APAOU amkhamau shiao noin. Khaiunia pungkü paopei tsak tsak,

¹⁷apaüh shiotsünli, APAOU asam Goaüh apa hau ouk kiutsün likü ouk paopei kankü shiao noin.

¹⁸“APAOU asam Goaüh asam hau kiutsün noksong pungkü nai mikhemhoi naiuso chhisiya khako asonghoi nou chosankü ataiu. Nung khaiunia nousoüh khaiuniahoi mi phaphi phamong tsüyangkü khemau noin.

¹⁹Ngüsoüh mi khemtsün ko ngiotsüo naiuso phaphi phamong tsüyangkü khemkiuao noin, naiuso ngüsoüh to nekhem paopei nouso tsüloau noin, tititenai paopei nou ange amon hai naiuso ngiotsüo ngiotsün khaiuniahoi niovei lopekji, küta ngüso hau ayam tsüthakün nai shalo-iau sungiji.

²⁰Asaita siokü naiuso ngiotsüo lünoi, nungaito APAOU asam Goaüh asam hau kiutsün goumchi thaloküta asaita kih-i-e.

²¹“Tilai asamüh APAOU asam Goa thaiutha amthang tsak shane, nung amthang dongko menyiu Ashera sotsom lataiu.

²²Naiuso sotsom goa amkhamau thaiutha asamüh lung kheam titso lakihtaiu; APAOU nou nungso chinyanji.